Што кажуць у Спаса-Ефрасіннеўскім манастыры пра сваю загінулую работніцу
64‑гадовая Марына не была манахіняй — проста працавала пры манастыры «па слове боскім».
Пажар здарыўся днём 28 красавіка ў драўлянай хаце на вуліцы Ефрасінні Полацкай у Полацку. Гэта не тэрыторыя Спаса-Ефрасіннеўскага манастыра, але дом знаходзіўся даволі блізка — 150 метраў ад будынка епархіі і каля 450 метраў ад манастыра.
Невядома, хто быў уласнікам дома. Шмат якія з суседніх дамоў манастыр выкупляў, каб у перспектыве засяляць туды гасцей.
Жыла ж у доме 64‑гадовая Марына. Яна не была манахіняй — як кажуць у манастыры, проста працавала ў іх «па слове боскім».
Па раней агучанай версіі, адна жанчына замкнула ў ім другую і падпаліла. Але пакуль ідзе следства, дакладную прычыну ўзгарання ніхто не называе.
У манастыры кажуць, што загінулая атруцілася чадным газам — хуткая дапамога ўжо не здолела нічога зрабіць. Марыну пахавалі і адпелі сіламі манастыра, правесці яе ў апошні шлях не прыехаў ніхто з блізкіх.
Каментары