Марыя Калеснікава засвяцілася на акцыі пратэсту Pussy Riot і Femen супраць удзелу Расіі ў Венецыянскім біенале ФОТАФАКТ
У Венецыі прайшла акцыя актывістак з расійскай Pussy Riot і ўкраінскай Femen супраць удзелу Расіі ў Венецыянскім біенале. Гэта быў кароткі пратэст каля расійскага павільёна, піша выданне Sota. У фотарэпартаж з падзеі трапіла і былая беларуская палітзняволеная Марыя Калеснікава.
Спачатку ўдзельнікі акцыі адціснулі людзей, што стаялі побач з павільёнам, каб вызваліць месца. Актывістка Pussy Riot Надзея Талаконнікава гучна крычала, што расійскае мастацтва звязана з крывёй, смерцю і гвалтам.
Потым актывісты запалілі фаеры з фіялетавым дымам і падышлі бліжэй да ўваходу. Пасля гэтага паліцыя фактычна заблакавала павільён. Людзі, якія знаходзіліся ўсярэдзіне і прадстаўлялі афіцыйнае расійскае мастацтва, адмовіліся каментаваць сітуацыю і нават называць свае імёны.
На заканчэнне ўдзельнікі паказвалі непрыстойныя жэсты ў бок павільёна. Сам перформанс доўжыўся каля 15 хвілін.
Сярод фота з акцыі ёсць і здымак Марыі Калеснікавай пад парасонам, якая шырока ўсміхаецца. З кантэксту здымка, праўда, цяжка зразумець, брала яна нейкі ўдзел у гэтай акцыі ці проста праходзіла міма.
Расія не ўдзельнічала ў Венецыянскім біенале ў 2022 і 2024 гадах праз накладзеныя за развязванне вайны ва Украіне санкцыі, аднак у 2026 годзе расійскі павільён у Венецыі зноў павінен адкрыцца.
Украіна выказала адносна гэтага пратэст, а ў Еўракамісіі заявілі, што ўдзел Расіі ў выставе парушае рэжым санкцый. За гэта біенале пазбавілі гранта ў памеры каля двух мільёнаў еўра, а міжнароднае журы біенале ў канцы красавіка ў поўным складзе падало ў адстаўку.
На «гульні Мацкевіча» не было Ціханоўскай, Латушкі, Ціханоўскага. Бабарыка і Калеснікава ад’язджалі, але вярнуліся
Ціханоўская, Бабарыка і Калеснікава разам спелі на 75‑годдзі Уладзіміра Цэслера
Марыю Калеснікаву віталі апладысментамі падчас канцэрту ў Берліне
Калеснікава: Апошнім канцлерам Германіі, які размаўляў з Лукашэнкам, была Меркель. Магчыма, патрэбна новая спроба
Падало ў адстаўку міжнароднае журы Венецыянскага біенале. Гэта звязана з допускам на яго Расіі
На Венецыянскім біенале вырашылі сёлета зноў адкрыць расійскі павільён. Еўрасаюз пагражае адклікаць фінансаванне
Каментары
як і ва ўсіх папярэдніх акцыях пэўна