Калеснікава: Апошнім канцлерам Германіі, які размаўляў з Лукашэнкам, была Меркель. Магчыма, патрэбна новая спроба
Былая паплечніца Святланы Ціханоўскай па выбарчай кампаніі 2020 дала інтэрв'ю нямецкаму выданню TAZ.de, у якім расказала пра свае пяць гадоў і тры месяцы за кратамі, а таксама падзялілася бачаннем палітычнай сітуацыі.
«Цяпер ЗША ўплываюць на Лукашэнку больш, чым Еўропа. І я ўдзячная амерыканскай адміністрацыі — яна спрыяла майму вызваленню і вызваленню яшчэ 500 зняволеных. Але я думаю, што і ЕС павінен зноў адкрыць дыпламатычныя каналы з Лукашэнкам — для яго Еўрасаюз быў бы больш натуральным партнёрам. Афіцыйна ўсё яшчэ каля 1000 чалавек знаходзяцца ў зняволенні па палітычных прычынах. Іх вызваленне павінна быць прыярытэтам», — мяркуе яна.
Карэспандэнт заўважыў, ці не будзе гэта азначаць пэўную легітымізацыю Лукашэнкі?
«Не, гэта не азначае легітымізацыі. Але Лукашэнка дэ-факта — адзіны чалавек, які вырашае, як беларусы жывуць у Беларусі. Калі хочаш мець уплыў, трэба з ім кантактаваць. Мы цяпер сустракаемся тут, на Шпрэе, у Берліне. Там, дзе мы размаўляем, калісьці праходзіла мяжа Берлінскага муру. Я часта звяртаюся да гэтай нямецкай гісторыі, бо ў нейкі момант надыходзіць час для дыпламатыі і дыялогу, і тады гісторыю можна перапісаць. Апошнім нямецкім канцлерам, які размаўляў з Лукашэнкам, была спадарыня Меркель. Магчыма, патрэбна новая спроба», — мяркуе Калеснікава.
Нагадаем, што Ангела Меркель тэлефанавала Лукашэнку 15 лістапада 2021 года падчас міграцыйнага крызісу на польскай мяжы, калі некалькі сотняў мігрантаў штурмавалі беларуска-польскую мяжу. Размова доўжылася каля 50‑ці хвілін і была прысвечаная гэтаму крызісу.
Дарэчы сёння Марыя выступіць з канцэртам у Берліне ў культурным цэнтры Radialsystem.
«Нарэшце зноў буду іграць на флейце — на траверс-флейце, бас-флейце і папярочнай флейце. Я буду расказваць пра свой досвед, а таксама чытаць урыўкі з кніг, якія прачытала падчас зняволення. Я сыграю твор на папярочнай флейце, які мае для мяне асаблівае значэнне. У 2022 годзе яго прысвяціў мне беларускі кампазітар Віктар Капыцька, і за гэта ў яго ўзніклі праблемы ў Беларусі. Мне бясконца сумна, што я не змагла асабіста падзякаваць яму: ён памёр на наступны дзень пасля майго вызвалення», — расказала Марыя.
Брэндавая сумачка за $4 тысячы і брыльянты. Віцэ-міс Беларусі Алія Кароткая схадзіла з сяброўкай паесці дранікаў7
Брэндавая сумачка за $4 тысячы і брыльянты. Віцэ-міс Беларусі Алія Кароткая схадзіла з сяброўкай паесці дранікаў
На Афоне адшукалі тры невядомыя раней асобнікі Астрожскай Бібліі. Для яе стварэння друкар Іван Фёдараў, выхадзец з Беларусі, выкарыстоўваў тэксты Скарыны66
Каментары