У Сінгапуры ўлады ўвялі новыя меры супраць школьнага булінгу. Паводле рашэння мясцовага Міністэрства адукацыі, для хлопцаў ад дзевяці гадоў у некаторых выпадках з 2027 года будзе дазваляцца нават фізічнае пакаранне — лупцаванне розгамі, паведамляе The Guardian.
Такое пакаранне можна прымяняць толькі з дазволу дырэктара школы. Яго павінны праводзіць спецыяльна ўпаўнаважаныя супрацоўнікі, улічваючы ўзрост вучня. Максімальна дазволена нанесці не больш за тры ўдары.
Пры гэтым школа абавязаная сачыць за станам дзіцяці і забяспечыць яму псіхалагічную падтрымку.
Для дзяўчынак і ў сітуацыях, дзе лупцаванне не выкарыстоўваецца, прадугледжаныя іншыя меры: пакіданне пасля ўрокаў, часовае адхіленне ад заняткаў і зніжэнне ацэнкі за паводзіны.
У Сінгапуры ўжо даўно існуе практыка цялесных пакаранняў: заканадаўства забараняе іх для жанчын, але для мужчын да 50 гадоў прысуджанае судом лупцаванне розгамі можа прымяняцца за некаторыя злачынствы.
Малодшы сын Сахашчыка абвешчаны зніклым без вестак. Выглядае, ён ваяваў за Расію88
Каментары
угу :/
у сярэднявечным расейскім Дасмастрое таксама пісалася, якой таўшчыні мусіць быць палка, якой біць жонку і дзяцей, і колькі ўдараў можна нанесці так, каб "павучыць", але не забіць