У Мінску пасля дажджу падтапіла некаторыя вуліцы. Асабліва стыхія сваволіла на захадзе горада
Моцны дождж, які прайшоў у Мінску ў ноч на 8 мая, прывёў да падтаплення вуліц у розных раёнах горада. Залевы працягваліся і раніцай, з-за чаго рух транспарту ў некаторых месцах быў ускладнены, піша выданне «Наш партал».
Жыхары паведамляюць, што вада збіралася не толькі на дарогах, але і ў дварах жылых дамоў. Асабліва складаная сітуацыя назіралася ў Каменнай Горцы — на вуліцах Казіміраўскай, Люцынскай, Нёманскай і Налібоцкай. Падтапленні таксама зафіксавалі ў Ждановічах, Сухараве, Красным Бары, Міхалове і Лебядзіным.
У сацыяльных сетках мінчукі масава публікавалі відэа затопленых вуліц. На кадрах бачна, як аўтамабілі літаральна едуць па вялікай вадзе, уздымаючы хвалі. На асобных участках рух запаволіўся, бо кіроўцы стараліся ехаць асцярожна. Месцамі затрымліваўся і грамадскі транспарт.
Для Мінска такая сітуацыя падчас моцных залеў ужо стала звычайнай. Пасля інтэнсіўных ападкаў ліўневая каналізацыя часта не паспявае хутка адводзіць вялікую колькасць вады, з-за чаго ўзнікаюць падтапленні.
Сіноптыкі папярэджваюць, што няўстойлівае надвор’е ў Беларусі захаваецца і ў найбліжэйшыя дні. Жыхарам раяць быць уважлівымі на дарогах і па магчымасці аб’язджаць затопленыя ўчасткі.
Памятаеце пару студэнткі і выкладчыка духоўнага вучылішча, які старэйшы за яе на 31 год? Яны разбегліся3
Памятаеце пару студэнткі і выкладчыка духоўнага вучылішча, які старэйшы за яе на 31 год? Яны разбегліся
Электронную «Беларускую энцыклапедыю», створаную як прастору «верагодных ведаў пра Беларусь», ціха ліквідавалі разам з рэдакцыяй. Купу артыкулаў перадалі Гігіну77
Каментары