Такія капрызы надвор'я зафіксавалі, у прыватнасці, у Маладзечанскім і Лагойскім раёнах.
У Маладзечне 7 мая сыпаў град дыяметрам з капеечную манету. Пазелянелыя газоны раптам сталі белымі. Чарназём у вулічных вазонах таксама пабялеў, піша выданне Kraj.by.
Праўда, градзіны пры вулічнай тэмпературы каля плюс 20 градусаў ператвараліся ў ваду проста на вачах.
Зафіксавалі на фота разгул стыхіі і ў Крайску на поўначы Лагойскага раёна.
Апублікаваў свежыя фота і відэа з градам у сваіх сацсетках і блогер «Мерзкий Кокобай», праўда, не пазначыўшы рэгіёна.
Каментары