Медсястру з РНПЦ траўматалогіі і артапедыі асудзілі па двух палітычных артыкулах
Людміла Пракапеня шмат гадоў дапамагала пацыентам пасля цяжкіх траўмаў. Меркавана, цяпер яна за кратамі.
Людміле Пракапені 59 гадоў. Яна — спрактыкаваная медсястра, якая доўгі час працавала ў РНПЦ траўматалогіі і артапедыі ў Мінску.
Яшчэ некалькі гадоў таму дзяржаўныя СМІ згадвалі яе ў матэрыялах пра поспехі беларускай медыцыны, дзе яна разам з дактарамі ставіла на ногі пацыентаў пасля складаных пераломаў шыйкі сцягна.
Людмілу судзілі ў Мінскім гарадскім судзе паводле двух артыкулаў Крымінальнага кодэкса: ч. 1 арт. 130 (распальванне варожасці ці варажнечы) і арт. 369 (абраза прадстаўніка ўлады). Падрабязнасці справы невядомыя.
Мяркуючы па ўсім, ёй прысудзілі калонію — жанчына так і не з'явілася анлайн пасля прысуду.
Масавыя палітычныя рэпрэсіі ў Беларусі працягваюцца з 2020 года. Тады Аляксандр Лукашэнка прайграў Святлане Ціханоўскай, але не аддаў уладу.
Па словах генеральнага пракурора Андрэя Шведа, толькі да кастрычніка 2023 года было заведзена больш за 16 тысяч крымінальных спраў «экстрэмісцкай скіраванасці», гэта значыць, палітычнага характару.
Згодна з інфармацыяй Паўла Латушкі, прадстаўніка Аб'яднанага пераходнага кабінета, з 2020 года рэпрэсіі закранулі 136 тысяч чалавек. Некалькі соцень тысяч беларусаў вымушаныя былі выехаць з краіны.
«Экстрэмізмам» улады Беларусі лічаць падпіскі на незалежныя каналы, СМІ, наяўнасць спасылак на іх у сацыяльных сетках ці наяўнасць у сацсетках або на рэчах беларускай нацыянальнай, далукашэнкаўскай сімволікі. Да «экстрэмізму» залічваюць таксама практычна ўсялякую крытыку ўладаў, афіцыйных гістарычных наратываў ці праявы салідарнасці з Украінай.
«Наша Нiва» — бастыён беларушчыны
ПАДТРЫМАЦЬЦяпер чытаюць
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім14
Каментары