Грамадства

Былога вайскоўца, а цяпер электрамеханіка з Блудня асудзілі за «садзейнічанне экстрэмізму»

Аляксандр Давідовіч служыў вайскоўцам, а пасля каля 20 гадоў адпрацаваў на чыгунцы. Але нядаўна яго кінулі за краты.

Аляксандр Давідовіч. Фота: bsut.by, фон заблюраны нейрасеткай

Аляксандру Давідовічу 47 гадоў. Ён родам з-пад Бярозы, вучыўся ў школе ў аграгарадку Першамайская (да 1964 года — Блудзень) Бярозаўскага раёна. Пасля выпуску вучыўся ў Брэсцкім дзяржаўным каледжы чыгуначнага транспарту. Мужчына жыве ў Бярозе. Разам з жонкай яны выхоўваюць дваіх дзяцей.

Паводле звестак аб'яднання Belpol, раней Давідовіч быў вайскоўцам. У базах ёсць запіс пра тое, што ён служыў у вайсковай часці № 55782, 927‑ай знішчальнай авіябазе ВПС у Бярозе.

Сваё далейшае жыццё Аляксандр звязаў з Беларускай чыгункай — апошні запіс у базах пра вайсковую часць датуецца 2007 годам. Ён доўгі час працаваў у Брэсцкай дыстанцыі сігналізацыі і сувязі (ШЧ-6), дзе дарос да электрамеханіка. У верасні 2024 года ён наведваў курсы павышэння кваліфікацыі ў Беларускім дзяржаўным універсітэце транспарту.

Аляксандра затрымалі ў мінулым годзе. Яго асудзілі па абвінавачанні ў «садзейнічанні экстрэмізму» (ч. 1 і ч. 2 арт. 361‑4 КК).

Мяркуючы па тым, што ён так нідзе і не з'явіўся анлайн, яму прысудзілі калонію.

«Экстрэмізмам» улады Беларусі лічаць падпіскі на незалежныя каналы, СМІ, наяўнасць спасылак на іх у сацыяльных сетках ці наяўнасць у сацсетках або на рэчах беларускай нацыянальнай, далукашэнкаўскай сімволікі. Да «экстрэмізму» залічваюць таксама практычна ўсялякую крытыку ўладаў, афіцыйных гістарычных наратываў ці праявы салідарнасці з Украінай. Шматлікія крымінальныя справы апошняга часу па артыкуле аб «садзейнічанні экстрэмізму» былі звязаныя са «справай Гаюна».

«Беларускі Гаюн» — маніторынгавы OSINT-праект, які быў створаны ў 2022 годзе, калі Расія праз Беларусь напала на Украіну. Праект адсочваў ваенную актыўнасць расійскіх і беларускіх войскаў, абапіраючыся на інфармацыю ад беларусаў. Каардынавала яго дзейнасць група актывістаў на чале з Антонам Матолькам.

Справа Гаюна пачалася пасля таго, як сілавікі затрымалі актывістку, якая некалькі гадоў жыла ў Беларусі ў падполлі. У яе мабільніку знайшлі спасылку на далучэнне ў бот Гаюна, якую ёй дасылалі ў самым пачатку існавання праекта. Фатальная памылка была ў тым, што спасылка была бестэрміновая. А таму сілавікі змаглі падключыцца да бота і выпампаваць адтуль усю інфармацыю. Яны атрымалі паведамленні акаўнтаў, якія пісалі ў бот, а таксама іхнія ID і імёны карыстальнікаў.

Заснавальнік Гаюна Антон Матолька адразу пасля ўзлому патлумачыў, як адбыўся выцек інфармацыі і абвясціў пра закрыццё праекта. 

«Наша Нiва» — бастыён беларушчыны

ПАДТРЫМАЦЬ

Каментары

Цяпер чытаюць

Крымскі мост зруйнаваны ўдарам ракет «Фламінга»12

Крымскі мост зруйнаваны ўдарам ракет «Фламінга»

Усе навіны →
Усе навіны

З’явіліся спадарожнікавыя здымкі пашкоджанняў Крымскага моста пасля ўкраінскай атакі5

Аляксандр Ярашук: Мяне бессэнсоўна ламаць — я не здраджу сваім прынцыпам і каштоўнасцям2

Беларус на юнацкай Алімпіядзе заваяваў бронзу ў брэйкінгу. Вось як яго сустрэлі дома2

У Малдове адмянілі канцэрт беларускага музыкі ДзіДзюЛі пасля зваротаў украінскіх дыпламатаў24

Пад Уроцлавам знайшлі магілу аднаго з пачынальнікаў Слуцкага паўстання. Пасля вайны ён схаваўся ў Сілезіі і выдаваў сябе за матэматыка са Львова2

ЕС уводзіць санкцыі супраць заснавальніцы Wildberries Таццяны Кім8

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны25

«Памятнік жэртвам фашызму»: у Азарычах з’явіўся дзіўны ўказальнік28

Новы вобраз Міхалка. Як прайшоў канцэрт «Ляпіса Трубяцкога» ў Берліне23

больш чытаных навін
больш лайканых навін

Крымскі мост зруйнаваны ўдарам ракет «Фламінга»12

Крымскі мост зруйнаваны ўдарам ракет «Фламінга»

Галоўнае
Усе навіны →

Заўвага:

 

 

 

 

Закрыць Паведаміць