Мёртвы кіт, знойдзены каля ўзбярэжжа Даніі — сапраўды шматпакутны Цімі
Гарбаты кіт, знойдзены мёртвым каля дацкага вострава Анхольт, — менавіта тая жывёліна, якая раней села на мель каля берагоў нямецкіх Шлезвіг-Гальштэйна і Мекленбурга-Пярэдняй Памераніі. Гэта пацвердзіла Дацкае агенцтва па ахове навакольнага асяроддзя, піша Bild.
Канчатковую ўпэўненасць 16 мая даў знойдзены на кіце трэкер. Прылада адсочвання цяпер знаходзіцца ў распараджэнні дацкага ўрада. Раней паведамлялася, што ў мёртвага кіта трэкера выяўлена не было.
Кіт Цімі на працягу некалькіх тыдняў прыцягваў увагу ўсёй Германіі:
«Калі пацвердзіцца, што гэта той самы кіт, лёс якога ў апошнія тыдні ўсіх хваляваў, я буду адчуваць толькі адно — смутак», — раней заявіў эксперт Фабіян Рытэр, старшыня НКА па абароне марскіх жывёл M.E.E.R. e.V.
Смерць жывёліны, паводле яго слоў, была прадказальнай. У інтэрв’ю Bild даследчык кітоў тлумачыць:
«Я неаднаразова казаў, што праз свой агульны стан кіт яшчэ да транспартавання не быў кандыдатам для падобных мер. Яго агульны стан, відаць, і прывёў да таго, што адбылося тое, чаго асцерагаліся».
Рытэр зноў раскрытыкаваў ратавальную аперацыю. Ён заўсёды выступаў за тое, каб пакінуць кіта на пясчанай мелі і даць яму «памерці прыродным чынам»: «Нават калі для многіх людзей гэта было невыносна».
Ацэньваць, ці быў Цімі выпушчаны занадта рана або ў неадпаведным месцы падчас транспартавання, эксперт не бярэцца. Аднак ён адзначыў:
«Гэта дакладна было месца з вельмі інтэнсіўным суднаходствам, і шлях для кіта назад у яго прыроднае асяроддзе пражывання ўсё яшчэ быў вельмі і вельмі доўгім».
У Даніі знайшлі мёртвага кіта. Гэта можа быць выратаваны два тыдні таму каля берагоў Германіі Цімі
Гарбатага кіта Цімі нарэшце выпусцілі ў Паўночнае мора. Але выжыць яму будзе складана
Гарбаты кіт Цімі жывы і нарэшце кіруецца ў Паўночнае мора. Аперацыя па яго выратаванні цягнулася два месяцы
У Германіі зноў пачынаюць аперацыю па ратаванні гарбатага кіта Цімі. Паўмесяца таму на яго ўжо махнулі рукой
Да балтыйскага ўзбярэжжа Германіі прыплыў гарбаты кіт і сеў на мель. Яго тыдзень спрабавалі ўратаваць, але не змаглі
Каментары