Пасол Украіны ў Польшчы таксама адмовіўся ад сваёй узнагароды — Кавалерскага крыжа Ордэна «За заслугі Рэспублікі Польшча».
Васіль Боднар прыняў такое рашэнне ў адказ на крок Польшчы па пазбаўленні прэзідэнта Украіны Уладзіміра Зяленскага найвышэйшай польскай дзяржаўнай узнагароды — Ордэна Белага Арла, піша РБК-Украіна.
Дыпламат падкрэсліў, што Украіна і Польшча застаюцца блізкімі партнёрамі, аб’яднанымі агульнымі інтарэсамі ў сферы бяспекі, абароны, аднаўлення і еўрапейскай інтэграцыі.
У той жа час Боднар назваў рашэнне адносна Зяленскага «гістарычна несправядлівым» і такім, што балюча ўспрымаецца ва ўмовах працяглай расійскай агрэсіі.
«Памятайма, што ад нашых спрэчак заўсёды выйграе вораг — Масква. Яшчэ раз заклікаю да адкрытай размовы. Упэўнены, што пры наяўнасці добрай волі мы знойдзем разумныя рашэнні», — адзначыў пасол.
Раней пасля пазбаўлення Зяленскага галоўнай узнагароды Польшчы — Камандорскага крыжа з зоркай Ордэна «За заслугі перад Польшчай» адмовіліся кіраўнік Офіса прэзідэнта Кірыл Буданаў і міністр замежных спраў Андрэй Сібіга.
Цяпер чытаюць
У Магілёве на доме, які аддалі пад расійскае пасольства, замалявалі мурал з «Пагоняй». Хоць экспертыза забараняла гэта рабіць18
У Магілёве на доме, які аддалі пад расійскае пасольства, замалявалі мурал з «Пагоняй». Хоць экспертыза забараняла гэта рабіць
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку6262
Каментары