Прэзідэнт Польшчы пазбавіў Зяленскага Ордэна Белага Арла — найвышэйшай дзяржаўнай узнагароды краіны
Прычынай стала рашэнне Зяленскага прысвоіць аднаму з падраздзяленняў Сіл спецыяльных аперацый Украіны назву «імя Герояў УПА».
Прэзідэнт Польшчы Караль Наўроцкі афіцыйна адклікаў у прэзідэнта Украіны Уладзіміра Зяленскага Ордэн Белага Арла. Гэта найвышэйшая дзяржаўная ўзнагарода Польшчы.
Зяленскі атрымаў ордэн у красавіку 2023 года з рук Анджэя Дуды. Тады гэты крок называлі сімвалам гістарычнага збліжэння двух народаў, а ўзнагароду прысудзілі за выбітныя заслугі ў паглыбленні адносін і супрацоўніцтва ў сферы бяспекі.
Цяперашні крок Варшавы справакавала рашэнне Зяленскага прысвоіць аднаму з элітных падраздзяленняў Сіл спецыяльных аперацый Украіны афіцыйнае найменне «імя Герояў УПА».
У Польшчы, дзе балюча ставяцца да памяці пра Валынскую трагедыю, гэта выклікала хвалю абурэння.
Польскі прэзідэнт пасля кансультацый прыняў канчатковае рашэнне аб пазбаўленні ўзнагароды прэзідэнта Украіны, падкрэсліўшы, што «ахвярам нашых продкаў нельга здрадзіць маўчаннем». Паводле яго слоў, у двухбаковых адносінах існуюць выразныя межы, за якія Кіеву пераходзіць не дазволена.
Цяпер чытаюць
Беларус паляцеў у Ніцу праз Стамбул — цяпер ён у коме ў французскай бальніцы. Мясцовыя медыкі раяць адключаць яго6
Беларус паляцеў у Ніцу праз Стамбул — цяпер ён у коме ў французскай бальніцы. Мясцовыя медыкі раяць адключаць яго
«У мяне толькі адна мара — вярнуць свайго Дзімку». Маці былога палітвязня Дзмітрыя Гопты расказвае пра новую бяду сына. І просіць замаўляць у яе больш тортаў, каб справіцца1010
Каментары
Кому это нужно? Да Вовчику и нужно, мяса категорически не хватает. Думает они домой поедут, ага.
Такое раз было у гісторыі, пазбавілі ордэна, а потым насупны прэзідэнт вярнуў.