Грамадства55

Мінскага маналітчыка асудзілі за Гаюна

Дзмітрый Аўчынка з Мінска — будаўнік, які ставіў фундаменты для дамоў, выхоўваў дзяцей і дзяліўся парадамі па рамонце аўто. Нядаўна мужчыну асудзілі па палітычным артыкуле.

Дзмітрый Аўчынка. Фота з ягонай старонкі ў інстаграм

Дзмітрыю Аўчынку 39 гадоў. Мужчына жыве з жонкай у Мінску, разам гадуюць дзяцей.

Дзмітрый шмат гадоў працуе ў будаўнічай сферы: займаецца буравымі і маналітнымі працамі ў Мінску і ваколіцах. У тыктоку і інстаграме пад назвай «monolit.minsk» ён дзеліцца відэа з працоўных пляцовак і запрашае кліентаў слоганам «Ваша мара — наша выкананне».

Дзмітрый цікавіцца аўтамабілямі. Ён удзельнік суполак аматараў Citroen C4 Picasso. Сам Дзмітрый доўгі час ездзіў на такім аўто і ахвотна дзеліцца парадамі на форумах.

Фота: Jack Jackie Pomi/CC BY-SA 4.0/commons.wikipedia.org

Апошні раз мужчына выкладаў нешта ў сацсетках у снежні 2025 года. Пасля гэтага яго затрымалі і змясцілі ў СІЗА. У гэтым годзе Мінскі гарадскі суд вынес яму прысуд паводле частак 1 і 2 артыкула 361‑4 КК — «садзейнічанне экстрэмісцкай дзейнасці». Імаверна, пераслед звязаны са справай Гаюна.

Дзмітрыю прысудзілі хатнюю хімію.

Падрабязнасці справы невядомыя.

«Экстрэмізмам» улады Беларусі лічаць падпіскі на незалежныя каналы, СМІ, наяўнасць спасылак на іх у сацыяльных сетках ці наяўнасць у сацсетках або на рэчах беларускай нацыянальнай, далукашэнкаўскай сімволікі. Да «экстрэмізму» залічваюць таксама практычна ўсялякую крытыку ўладаў, афіцыйных гістарычных наратываў ці праявы салідарнасці з Украінай.

Шматлікія крымінальныя справы апошняга часу па артыкуле аб «садзейнічанні экстрэмізму» былі звязаныя са справай Гаюна.

«Беларускі Гаюн» — маніторынгавы OSINT-праект, які быў створаны ў 2022 годзе, калі Расія праз Беларусь напала на Украіну. Праект адсочваў ваенную актыўнасць расійскіх і беларускіх войскаў, абапіраючыся на інфармацыю ад беларусаў. Каардынавала яго дзейнасць група актывістаў на чале з Антонам Матолькам.

«Справа Гаюна» пачалася пасля таго, як сілавікі затрымалі актывістку, якая некалькі гадоў жыла ў Беларусі ў падполлі. У яе мабільніку знайшлі спасылку на далучэнне ў бот Гаюна, якую ёй дасылалі ў самым пачатку існавання праекта. Фатальная памылка была ў тым, што спасылка была бестэрміновая. А таму сілавікі змаглі падключыцца да бота і выпампаваць адтуль усю інфармацыю. Яны атрымалі паведамленні акаўнтаў, якія пісалі ў бот, а таксама іхнія ID і імёны карыстальнікаў.

Заснавальнік «Гаюна» Антон Матолька адразу пасля ўзлому патлумачыў, як адбылася ўцечка інфармацыі, і абвясціў пра закрыццё праекта. 

Паводле падлікаў аб'яднання сілавікоў «Белпол» і праваабаронцаў, вядомыя імёны 9594 людзей, якія падпалі пад палітычна матываваныя крымінальныя справы. Усяго тыя ці іншыя палітычныя рэпрэсіі (крыміналкі, адміністратыўкі, звальненні, ператрусы) зачапілі каля 500 тысяч беларусаў. Некалькі соцень тысяч людзей вымушаныя былі пакінуць краіну. 

«Наша Нiва» — бастыён беларушчыны

ПАДТРЫМАЦЬ

Каментары5

  • уважаемый
    02.07.2026
    Акварель, какие у вас будут предложения
  • Праўда
    02.07.2026
    Акварель, так будзе заўжды, пакуль разам з большасцю працягнеце сядзець у русском міре. Прынамсі, практыка ня ведае выключэнняў.
  • Такая правда
    02.07.2026
    Праўда, Если ты по жизни - трус, не в состоянии взять в руки оружие и защитить себя, своих родных и близких от угнетателей, то ты можешь говорить, хоть на марсианском языке, живя в стелиризованном окружении в не границ "русского мира", ничего в твоей жизни в лучшую сторону не поменяется. Уважают смелых и с ними считаются, как показывают реалии, а слабаки остаются в аутсайдерами.

Цяпер чытаюць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча10

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

Жыццё па падпісцы. У «Паўночным Беразе» скардзяцца на платную падпіску, патрэбную, каб карыстацца ўсімі функцыямі жыллёвага комплексу12

З'явіўся новы спадарожнікавы здымак пашкоджанняў Керчанскага моста6

Цыганкоў: Рост аўтсайдарства мужчын, іх сыход у парнаграфію і анлайн-гульні — новая праблема чалавецтва60

«Шмат плацяжоў было ў Польшчы». Беларусы масава скардзяцца на блакаванне банкаўскіх картак8

На «Яндэкс Картах» з'явіліся маршруты па Мінску, дзе ёсць пад'ёмнікі і пандусы

Колькі зарабляюць кур'еры на аўто ў дастаўцы «Яндэкс» у Беларусі4

«Страціў сына ў пажары і знік сам». Шукаюць беларуса, які знік амаль 40 гадоў таму3

Трамп заявіў еўрапейскім лідарам і Зяленскаму, што Пуцін імкнецца да міру6

Самая вядомая бегемоціха свету Фіёна памерла, з'еўшы вязаную шапку1

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча10

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць