Гэта патлумачыў сам Антон Матолька. Рэч у закрытым чаце, у які дасылаліся звесткі з бота.
Антон Матолька, стваральнік маніторынгавага праекта «Беларускі Гаюн», у сваім тэлеграм-канале распавёў, што адбылося з ботам. Узламаны не сам бот — сілавікі атрымалі доступ у чат, у які перасылаліся паведамленні з бота.
Часта праца з ботамі арганізуецца так — ствараецца чат, куды дадаецца кантактны бот. Паведамленні з бота перасылаюцца ў чат, каб усе адміністратары або людзі, якія апрацоўваюць інфармацыю, маглі працаваць са зваротамі.
Антон Матолька расказаў, што не была адкліканая спасылка для ўступлення ў гэты чат, створаная яшчэ 2 сакавіка 2022 года. Таксама ў наладах суполкі не стаяла пазнака «схаваць паведамленні для новых карыстальнікаў». Невядома, якім чынам сілавікі атрымалі спасылку, але, магчыма, праз некага з затрыманых.
Такім чынам, нейкі акаўнт (імаверна, ён належаў беларускім спецслужбам) увайшоў у закрыты чат, дзе была перапіска з ботам, і змог цалкам яе спампаваць.
«Наша Нiва» — бастыён беларушчыны
ПАДТРЫМАЦЬЦяпер чытаюць
Мінскі медык пайшоў ваяваць за Расію, праз месяц атрымаў цяжкае раненне, а цяпер выбівае выплаты, седзячы ў інвалідным вазку27
Мінскі медык пайшоў ваяваць за Расію, праз месяц атрымаў цяжкае раненне, а цяпер выбівае выплаты, седзячы ў інвалідным вазку
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1414
Каментары
«Антон Матолька расказаў, што не была адкліканая спасылка для ўступлення ў гэты чат, створаная яшчэ 2 сакавіка 2022 года. Таксама ў наладах суполкі не стаяла пазнака «схаваць паведамленні для новых карыстальнікаў».
Навошта гэта усе увогуле захоўваецца??