На Магілёўшчыне ў мужчыны канфіскавалі цэлы арсенал зброі і выбуховых рэчываў
У Магілёўскай вобласці затрымалі 52‑гадовага жыхара Магілёва, у якога пры ператрусе знайшлі шмат зброі і боепрыпасаў, паведамляе прэс-служба МУС.
Скрыншот з відэа
Падчас ператрусу, як паведамляецца, былі знойдзеныя і канфіскаваныя:
- карабін з аптычным прыцэлам;
- дзве асколачныя гранаты;
- больш за 2 кілаграмы розных выбуховых рэчываў;
- амаль 100 патронаў да наразной агнястрэльнай зброі;
- ствол са ствольнай каробкай ад вінтоўкі;
- узрывальнік для ручных гранат;
- капсуль-дэтанатар і электрадэтанатар.
Супраць уладальніка арсенала завялі крымінальную справу за незаконныя дзеянні ў дачыненні да агнястрэльнай зброі, боепрыпасаў і выбуховых рэчываў.
Паведамляецца, што затрыманы раней ужо быў судзімы за аналагічнае злачынства, а таксама за крадзеж. На час расследавання ён змешчаны ў ізалятар часовага ўтрымання.
Цяпер чытаюць
Святлана Ціханоўская едзе ў Нью-Ёрк. Яна можа перасекчыся з прадстаўнікамі Лукашэнкі, але галоўную інтрыгу пакуль не раскрываюць8
Каментары