Чалавек, якога абвінавачвалі ў забойствах, займаўся з дзецьмі ў летніку ў Віцебскай вобласці
Дзмітрый Паўлічэнка, вядомы як камандзір лукашэнкаўскіх «эскадронаў смерці» яшчэ 1990‑х гадоў, праводзіў «практыкум» са зброяй у дзіцячым летніку «Бароўка» ў Лепельскім раёне, заўважыла «Віцебская вясна».
Былы стваральнік і першы камандзір Спецыяльнага атрада хуткага рэагавання, вядомы ўдзелам у стварэнні і кіраванні «эскадронамі смерці», навучаў дзяцей асновам рукапашнага бою і карыстання зброяй, удзельнічаў у занятках па медычнай і агнявой падрыхтоўцы. Мерапрыемства назвалі «семінарам-практыкумам».
Кіраўніка таемнага фармавання, якое ў 1990‑х гадах забівала апанентаў Аляксандра Лукашэнкі, ужо традыцыйна запрасілі выступіць у дзіцячым летніку разам з дэпутатам Палаты прадстаўнікоў Віктарам Азаронкам, дзядзькам вядомага прапагандыста Рыгора Азаронка.
Апрача трэніровак, якія праводзілі байцы спецназа, дзецям шмат расказвалі пра патрыятызм і ягоную асноўную, паводле дэпутата, складовую частку — неабходнасць авалодвання вайсковымі навыкамі, каб выступіць на абарону сваёй дзяржавы.
Цяпер чытаюць
Наталля Калегава расказала пра дапамогу беларускім уцекачам, сваю сям’ю, стаўленне да Ціханоўскай. І патлумачыла, хто такія «бабры» і «зайцы»33
Каментары
нездарма ж ка-жуць, што з гадамі ўся сутнасць чалавека (або пачвары) асабліва праяўляецца на ягоным твары