Служба бяспекі Украіны паведаміла пра новыя ўдары беспілотнікамі па расійскіх вайсковых аэрадромах «Сакі» і «Гвардзейскае» ў акупаваным Крыме. Паводле інфармацыі ведамства, аперацыя праводзілася ў межах працяглай кампаніі, накіраванай на аслабленне вайсковага патэнцыялу Расіі.
На аэрадроме «Сакі», як сцвярджае СБУ, паразілі сем ангараў, дзе знаходзіліся знішчальнікі Су-30СМ, Су-30 і франтавыя бамбардзіроўшчыкі Су-24. Паводле папярэдніх звестак украінскага боку, не менш за сем самалётаў былі знішчаныя або атрымалі пашкоджанні.
Гэта ўжо другі ўдар па гэтым аэрадроме на працягу тыдня.
Таксама паведамляецца, што на аэрадроме «Гвардзейскае» былі пашкоджаныя два ангары, у якіх захоўваліся беспілотнікі тыпу «Шахед» і авіяцыйнае абсталяванне.
У СБУ адзначаюць, што абодва аэрадромы з'яўляюцца важнымі авіяцыйнымі базамі расійскіх войскаў у Крыме і выкарыстоўваюцца для баявых вылетаў па тэрыторыі Украіны. Кіраўнік ведамства Яўген Хмара заявіў, што ўкраінскія спецслужбы працягнуць наносіць удары па вайсковай інфраструктуры, каб зніжаць магчымасці Расіі весці вайну.
Відэакадраў удараў пакуль не прыводзіцца.
Цяпер чытаюць
Наталля Калегава расказала пра дапамогу беларускім уцекачам, сваю сям’ю, стаўленне да Ціханоўскай. І патлумачыла, хто такія «бабры» і «зайцы»34
Каментары