Słužba biaśpieki Ukrainy paviedamiła pra novyja ŭdary bieśpiłotnikami pa rasijskich vajskovych aeradromach «Saki» i «Hvardziejskaje» ŭ akupavanym Krymie. Pavodle infarmacyi viedamstva, apieracyja pravodziłasia ŭ miežach praciahłaj kampanii, nakiravanaj na asłableńnie vajskovaha patencyjału Rasii.
Na aeradromie «Saki», jak śćviardžaje SBU, parazili siem anharaŭ, dzie znachodzilisia źniščalniki Su-30SM, Su-30 i frantavyja bambardziroŭščyki Su-24. Pavodle papiarednich źviestak ukrainskaha boku, nie mienš za siem samalotaŭ byli źniščanyja abo atrymali paškodžańni.
Heta ŭžo druhi ŭdar pa hetym aeradromie na praciahu tydnia.
Taksama paviedamlajecca, što na aeradromie «Hvardziejskaje» byli paškodžanyja dva anhary, u jakich zachoŭvalisia bieśpiłotniki typu «Šachied» i avijacyjnaje abstalavańnie.
U SBU adznačajuć, što abodva aeradromy źjaŭlajucca važnymi avijacyjnymi bazami rasijskich vojskaŭ u Krymie i vykarystoŭvajucca dla bajavych vyletaŭ pa terytoryi Ukrainy. Kiraŭnik viedamstva Jaŭhien Chmara zajaviŭ, što ŭkrainskija śpiecsłužby praciahnuć nanosić udary pa vajskovaj infrastruktury, kab źnižać mahčymaści Rasii vieści vajnu.
Videakadraŭ udaraŭ pakul nie pryvodzicca.
Ciapier čytajuć
Rasijskija prapahandysty vydumali ŭdar drona pa turystyčnym aŭtobusie. Ale ŭ historyi jość zahadkavyja fury3
Kamientary