Прэзідэнт Украіны Уладзімір Зяленскі заявіў, што Кіеў адкрые архівы Службы бяспекі Украіны і Службы знешняй разведкі, якія тычацца трагічных падзей XX стагоддзя на Валыні. Пра гэта ён паведаміў пасля нарады, прысвечанай развіццю адносін з Польшчай.
Паводле слоў Зяленскага, па выніках нарады вызначылі пяць асноўных крокаў для паляпшэння ўкраінска-польскага супрацоўніцтва.
«Першае: будуць рашэнні на дыпламатычным кірунку. Другое: будуць адкрытыя ўсе архівы Службы бяспекі Украіны і Службы знешняй разведкі Украіны датычна трагічных падзей ХХ стагоддзя на Валыні. Трэцяе: будуць рашэнні для выдачы дадатковай істотнай колькасці дазволаў на пошукавыя эксгумацыйныя работы, і разам з польскім бокам мы павінны забяспечыць большую магчымасць для правядзення такіх работ», — паведаміў ён.
Акрамя таго, бакі маюць намер пашыраць грамадскі дыялог паміж дзвюма краінамі. Зяленскі таксама прапанаваў узмацніць магчымасці Украінскага інстытута нацыянальнай памяці і заклікаў разгледзець пытанне аб павелічэнні яго фінансавання.
Апошнім часам адносіны паміж Украінай і Польшчай застаюцца напружанымі. Адной з прычын стала рашэнне ўкраінскага кіраўніцтва надаць аднаму з вайсковых падраздзяленняў ганаровае найменне «Герояў УПА», што выклікала крытыку ў Польшчы. Пасля гэтага польскі бок прыняў шэраг рашэнняў, звязаных з ацэнкай гістарычных падзей і ўшанаваннем памяці ахвяр Валынскай трагедыі. Сярод іншага прэзідэнт Польшчы Караль Наўроцкі пазбавіў Зяленскага польскага Ордэна Белага Арла, пасля чаго адбыўся дэмарш трох былых прэзідэнтаў Украіны і іншых высокіх чыноўнікаў, якія ў знак салідарнасці адмовіліся ад сваіх узнагарод.
Караль Наўроцкі заклікаў польскі Сейм забараніць сцяг УПА
У Варшаве ўладальніца крамы паказала дызлайкі ўдзельнікам антыўкраінскага мітынгу. Пасля таго яе краму разграмілі
Качыньскі: Украіна не ўступіць у ЕС, калі не зменіць свой курс
Пятро Парашэнка таксама вярнуў Польшчы ордэн Белага Арла
Прэзідэнт Польшчы пазбавіў Зяленскага Ордэна Белага Арла — найвышэйшай дзяржаўнай узнагароды краіны
Цяпер чытаюць
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1414
Каментары