41‑гадовая жыхарка Лунінца звярнулася ў міліцыю пасля таго, як высветлілася, што невядомыя падманам прымусілі яе 12‑гадовага сына аддаць усе сямейныя ашчаджэнні — каля 25 тысяч рублёў.
Спачатку хлопчыку патэлефанаваў невядомы з замежнага нумара і прадставіўся супрацоўнікам пошты. Ён паведаміў пра нібыта пасылку і пераканаў дзіця назваць код з СМС.
Пасля гэтага з хлопчыкам звязаліся ўжо праз месенджары. Суразмоўцы назваліся супрацоўнікамі сілавых структур і заявілі, што з-за перададзенага кода сям'я нібыта аказалася датычнай да злачынства. Яны запалохалі школьніка тым, што яго маці можа быць прыцягнутая да крымінальнай адказнасці.
Каб нібыта пазбегнуць праблем, хлопчыку загадалі тэрмінова перадаць усе наяўныя грошы кур'еру. У выніку дзіця аддало каля 25 тысяч рублёў.
Кур'ерам аказаўся 25‑гадовы жыхар Мінска, які сам стаў ахвярай махляроў. Зламыснікі пераканалі яго, што ён павінен дапамагчы пажылой жыхарцы Лунінца, якая жыве разам з непаўналетнім унукам. Малады чалавек забраў грошы ў хлопчыка і адвёз іх у названае махлярамі месца. Больш за тое, там ён пакінуў і ўласныя ашчаджэнні — каля 20 тысяч рублёў.
Па факце махлярства ў асабліва буйным памеры распачатая крымінальная справа.
Тэлефонныя махляры адправілі 19‑гадовую дзяўчыну самалётам за мяжу
Варажбітцы з Быхава, што абула даверлівых людзей на 150 тысяч рублёў, вынеслі суровы прысуд
Даверлівая мінчанка скінула арандатарам з Расіі копію свайго пашпарта. А тыя цішком прадалі яе кватэру коштам $90 тысяч
Вынеслі прысуд 54 абвінавачаным па справе махлярскіх кол-цэнтраў
Цяпер чытаюць
Першага намесніка гендырэктара «Белвеста» пасадзілі на тры з паловай гады за палітыку6
Першага намесніка гендырэктара «Белвеста» пасадзілі на тры з паловай гады за палітыку
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца1717
Каментары