Лукашэнка абсыпаў узнагародамі работнікаў «Савушкавага прадукту», які святкуе юбілей
А на прадпрыемстве Лукашэнку падарылі помнік карове.
Лукашэнка ўзяў удзел ва ўрачыстай цырымоніі ўручэння дзяржаўных узнагарод у ААТ «Савушкаў прадукт», які сёлета святкуе 50 год, піша БелТА.
Урачыстая цырымонія прайшла непасрэдна на вытворчасці.
«Адна з найбуйнейшых малочных кампаній не толькі Брэстчыны, але і ўсёй нашай краіны — «Савушкаў прадукт» — удастоена ордэна Працоўнай Славы. Рэдкі выпадак. А чатыры яе найлепшыя супрацоўнікі — медаля «За працоўныя заслугі», — падкрэсліў Лукашэнка. — Гэтыя ўзнагароды — прызнанне заслуг кожнага з амаль дзесяці тысяч работнікаў усіх вашых вытворчых кампаній, сельскагаспадарчых прадпрыемстваў, філіялаў і гандлёвых дамоў. Ад Брэста да Масквы, Алматы і нават геаграфічна далёкага кітайскага Даляня».
Лукашэнка адзначыў, што шмат у чым дзякуючы калектыву «Савушкавага прадукту» натуральныя, карысныя і смачныя беларускія малако, сыры, масла, ёгурты і марозіва любяць дарослыя і дзеці ў дзясятках краін.
А вось работнікі прадпрыемства падарылі яму помнік карове, які Лукашэнка паабяцаў размясціць у Палацы Незалежнасці.
Цяпер чытаюць
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»23
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары