Łukašenka absypaŭ uznaharodami rabotnikaŭ «Savuškavaha praduktu», jaki śviatkuje jubilej
A na pradpryjemstvie Łukašenku padaryli pomnik karovie.
Łukašenka ŭziaŭ udzieł va ŭračystaj cyrymonii ŭručeńnia dziaržaŭnych uznaharod u AAT «Savuškaŭ pradukt», jaki sioleta śviatkuje 50 hod, piša BiełTA.
Uračystaja cyrymonija prajšła niepasredna na vytvorčaści.
«Adna z najbujniejšych małočnych kampanij nie tolki Brestčyny, ale i ŭsioj našaj krainy — «Savuškaŭ pradukt» — udastojena ordena Pracoŭnaj Słavy. Redki vypadak. A čatyry jaje najlepšyja supracoŭniki — miedala «Za pracoŭnyja zasłuhi», — padkreśliŭ Łukašenka. — Hetyja ŭznaharody — pryznańnie zasłuh kožnaha z amal dziesiaci tysiač rabotnikaŭ usich vašych vytvorčych kampanij, sielskahaspadarčych pradpryjemstvaŭ, filijałaŭ i handlovych damoŭ. Ad Bresta da Maskvy, Ałmaty i navat hieahrafična dalokaha kitajskaha Dalania».
Łukašenka adznačyŭ, što šmat u čym dziakujučy kalektyvu «Savuškavaha praduktu» naturalnyja, karysnyja i smačnyja biełaruskija małako, syry, masła, johurty i maroziva lubiać darosłyja i dzieci ŭ dziasiatkach krain.
A voś rabotniki pradpryjemstva padaryli jamu pomnik karovie, jaki Łukašenka paabiacaŭ raźmiaścić u Pałacy Niezaležnaści.
Kamientary