Прадстаўніцу беларускай арганізацыі выключылі з Кансультацыйнай рады НДА нацыянальных меншасцяў Латвіі
Са складу Кансультатыўнай рады НДА нацыянальных меншасцяў Латвіі выключылі прадстаўніцу «Саюза беларусаў Латвіі» Алену Лазараву. Такое рашэнне ўдзельнікі пасяджэння прынялі шляхам галасавання. Падставай стала інфармацыя, атрыманая ад латвійскай службы дзяржаўнай бяспекі, піша Delfi.lv.
Згодна з правіламі Кансультатыўнай рады, арганізацыі і іх прадстаўнікі павінны мець бездакорную рэпутацыю, паважаць нацыянальныя каштоўнасці Латвіі і дзяржаўную мову, а таксама не знаходзіцца пад міжнароднымі або нацыянальнымі санкцыямі.
Паводле інфармацыі службы бяспекі, нягледзячы на папярэджанні пра магчымыя рызыкі і рэкамендацыі ўстрымацца ад пэўных дзеянняў, Лазарава працягвала наведваць «дзяржаву-агрэсар» і ўдзельнічаць у мерапрыемствах, арганізаваных яе дзяржаўнымі ўстановамі.
Латвійскія ўлады палічылі, што ў цяперашняй геапалітычнай сітуацыі такія дзеянні прадстаўніцы Кансультатыўнай рады не адпавядаюць інтарэсам Латвіі.
Міністр культуры краіны Наўрыс Пунтуліс заявіў, што давярае ацэнкам латвійскіх органаў дзяржаўнай бяспекі. Паводле яго слоў, атрыманая інфармацыя сведчыць пра магчымыя пагрозы бяспецы. Ён назваў недапушчальным удзел у працы рады чалавека, які ўдзельнічае ў мерапрыемствах, што фінансуюцца ўладамі дзяржавы-агрэсара.
Пунтуліс таксама падзякаваў іншым членам савета за адказнае стаўленне да атрыманай інфармацыі і адзначыў важнасць супрацоўніцтва паміж уладамі і няўрадавымі арганізацыямі.
Кансультатыўная рада прадстаўнікоў НДА нацыянальных меншасцяў дзейнічае пры Міністэрстве культуры Латвіі. Яна з'яўляецца дарадчым органам і займаецца пытаннямі ўдзелу НДА ў развіцці грамадзянскай супольнасці, этнапалітыкі, абароны правоў нацыянальных меншасцяў і захавання іх культуры.
Рада таксама можа запытваць у дзяржаўных органаў інфармацыю пра становішча нацыянальных меншасцяў у Латвіі і пра палітычныя ды заканадаўчыя ініцыятывы, якія закранаюць іх інтарэсы. Склад рады зацвярджае міністр культуры, які адначасова з'яўляецца яе старшынёй.
Блогер Максометр пераехаў з Латвіі ў Беларусь, купіў дом без туалета і скардзіцца, што нікому тут не патрэбны
У Латвіі накрылі гіганцкую падпольную фабрыку па вытворчасці цыгарэт. На ёй працавала шмат беларусаў
У Латвіі прыбяруць дарожныя знакі, якія ўказваюць на Беларусь і Расію
Сейм Латвіі падтрымаў новыя абмежаванні на імпарт тавараў з Беларусі і Расіі
Цяпер чытаюць
Памятаеце мінчука, які ў 2017‑м выратаваў сцяг з-пад ног амапаўцаў — коштам сваёй свабоды? Цяпер яму, былому палітвязню, трэба дапамога6
Памятаеце мінчука, які ў 2017‑м выратаваў сцяг з-пад ног амапаўцаў — коштам сваёй свабоды? Цяпер яму, былому палітвязню, трэба дапамога
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам5050
Каментары
Куча стран ЕС точно так же предоставляла свои базы или слали свои контингенты для нападения на Ирак, Ливию, Афганистан, лишь при нападении на Иран в основном воздержались, кроме Британии. Латвия участвовала в войнах в Афганисиане и Ираке,притом не пассивно путем предоставления территории,а посылала туда контингенты. И кто тут "государство-агрессор"?!