Пры выбуху ў Маскве пацярпела, падобна, дачка расійскага генерала, які камандаваў наступам на Кіеў
У спісах пацярпелых ёсць 25‑гадовая Марыя. Указана, што ў яе адкрытая чэрапна-мазгавая траўма.
Пры выбуху ў маскоўскім рэстаране Balzi Rossi магла пацярпець дачка расійскага генерала Аляксандра Чайко.
Пра тое, што Чайко ёсць сярод пацярпелых пры выбуху, «Вёрстцы» паведаміла крыніца, блізкая да кіраўніцтва рэстарана. У спісах пацярпелых ёсць «Марыя П.», якой 25 гадоў. Указана, што ў яе адкрытая чэрапна-мазгавая траўма.
Марыі Чайко таксама 25 гадоў, акрамя таго, яна згадваецца ва ўцечках з баз даных пад прозвішчам Перадрый. У Чайко і Перадрый супадаюць адрас пражывання і год нараджэння, у тэлефонных кнігах яна запісана як «нявеста» і «Чайко Марыя».
Верагодна, Перадрый — гэта прозвішча мужа дачкі генерала. У спісе пацярпелых ёсць таксама 27‑гадовы «Данііл П.». Згодна з выцекамі, гэта можа быць Данііл Перадрый, якому таксама 27 гадоў. У яго сябрах у VK ёсць адзін з акаўнтаў Марыі Чайко.
Выбух у рэстаране Balzi Rossi адбыўся ўвечары 1 жніўня. Першапачаткова паведамлялася пра выбух газу, аднак пазней стала вядома, што здэтанавала выбуховае прыстасаванне, якое жанчына спрабавала пранесці ў рэстарацыю пад выглядам падарунка.
У выніку выбуху, паводле апошняй інфармацыі, загінулі пяць чалавек, 21 пацярпеў. Мэтай, відавочна, быў галоўнакамандуючы паветрана-касмічнымі сіламі Расіі Аляксандр Чайко, якога Украіна вінаваціць у дачыненні да забойстваў у горадзе Буча.
Колькасць ахвяр выбуху ў маскоўскім элітным рэстаране на юбілеі генерала, які камандаваў наступам на Кіеў з Беларусі ў 2022-м, вырасла да пяці чалавек
Камандуючы Паветранымі сіламі Расіі Чайко жывы. З трох загінулых пры выбуху ў элітным рэстаране ў Маскве толькі адзін — наведвальнік
У цэнтры Масквы нешта ўзарвалася ў элітным рэстаране — трое загінулых
Цяпер чытаюць
Музыка, маляванне і танцы ў школах і гімназіях — усё? Што вядома пра скарачэнні настаўнікаў-эстэтыстаў6
Музыка, маляванне і танцы ў школах і гімназіях — усё? Што вядома пра скарачэнні настаўнікаў-эстэтыстаў
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1313
Каментары