За сем месяцаў 2026 года нацыянальны авіяперавозчык павялічыў пасажырапаток амаль на 15% у параўнанні з аналагічным перыядам 2025 года.
З пачатку года кампанія перавезла амаль 1,3 млн пасажыраў, паведамляецца на сайце авіяперавозчыка.
Са студзеня авіякампанія выканала больш за 10,5 тыс. рэйсаў, што на 3,7% больш, чым за аналагічны перыяд мінулага года, а таксама перавезла амаль 1,3 млн пасажыраў, што на 14,6% больш, чым за студзень — ліпень 2025 года.
Калі параўноўваць месяц да месяца, то ў ліпені 2026 года «Белавія» выканала 1842 рэйсы, што на 8,3% больш, чым у ліпені 2025 года (1701).
Што датычыцца ўзроўню запаўняльнасці крэслаў, то ў гадавым выражэнні гэты паказчык павялічыўся ўсяго на 0,5%. Так, за сем месяцаў 2026 года ён склаў 84,9%, тады як за аналагічны перыяд мінулага года — 84,4%.
У цэлым за сем месяцаў 2026 года пяцёрка гарадоў з найбольшай запаўняльнасцю рэйсаў выглядае так: Матала (Шры-Ланка), Нячанг (В'етнам), Санья (Кітай), Стамбул, Тэль-Авіў.
Пры гэтым топ-5 за ліпень 2026 года адрозніваецца: на першым месцы — Тэль-Авіў, на другім — Батумі, на трэцім — Уфа. Замыкаюць пяцёрку Екацярынбург і Тбілісі.
Каментары