Сталі вядомыя падрабязнасці атакі дронаў на грузавікі на расійска-беларускай мяжы
Наступствы атакі беспілотнікаў на грузавыя аўтамабілі на расійска-беларускай мяжы можна пабачыць на відэа. Відэазапіс здарэння апублікавала турэцкае інфармацыйнае агенцтва IHA, а знялі яго турэцкія кіроўцы, якія сталі сведкамі атакі, піша Reform.news.
На кадрах бачная фура, якая гарыць на ўзбочыне, а таксама грузавік з пашкоджанай кабінай на стаянцы каля мяжы. Адзін з кіроўцаў расказвае, што беспілотнік трапіў у аўтамабіль, пасля чаго ён загарэўся. Паводле яго слоў, людзі апынуліся літаральна ў эпіцэнтры баявых дзеянняў і былі вымушаныя ўцякаць. Ён таксама сцвярджае, што гэта ўжо была трэцяя ці чацвёртая машына, па якой нанеслі ўдар.
Паводле інфармацыі турэцкіх СМІ, у выніку атакі ёсць загінулыя і параненыя, сярод іх грамадзяне Ірана і Беларусі.
Раней паведамлялася, што пункт пропуску «Чырвоны Камень» на расійска-беларускай мяжы часова не працаваў пасля атакі беспілотнікаў. У выніку ўдару загарэліся дзве фуры.
Сведкі здарэння расказалі, што спачатку беспілотнікі атакавалі два іранскія грузавікі, пасля чаго быў пашкоджаны беларускі аўтамабіль. Адзін з турэцкіх кіроўцаў заявіў, што падчас атакі, паводле яго назіранняў, былі параненыя двое беларускіх вайскоўцаў. Самі турэцкія кіроўцы здолелі пакінуць небяспечную зону.
Яшчэ адзін відавочца паведаміў, што атака пачалася прыкладна а 7‑й гадзіне раніцы, калі многія кіроўцы яшчэ спалі ў сваіх машынах. Пасля выбухаў каля іранскіх грузавікоў людзі ўбачылі над сабой беспілотнікі і паспрабавалі з'ехаць са стаянкі. Па дарозе яны заўважылі, што ўдары прыйшліся і па іншых аўтамабілях.
З-за ўдару дрона не працуе пункт пропуску на беларуска-расійскай мяжы
Ці можа Украіна знішчаць пускавыя ўстаноўкі з расійскай балістыкай?
На тэрыторыі Малдовы ўпаў і выбухнуў расійскі дрон. Малдова адклікала свайго пасла
«Мапеды» сыходзяць у мінулае: Расія робіць «шахеды» рэактыўнымі. Чым гэта пагражае Украіне
Падмаскоўе, Крым, Ніжнякамск і Растоўская вобласць падвергліся атацы ўкраінскіх беспілотнікаў
«Кайлас, я іду». Што за беларуска знікла ў жудасным селі ў Непале6
Каментары
[Зрэдагавана]