Артыстка, якая спявала оду Лукашэнку, выйшла замуж за Аляксандра
Кар’ера Аляксандры Мелех рэзка пайшла ўгору пасля таго, як яна стала любіміцай Ганны Сялук. Нядаўна артыстка пабралася шлюбам.
У ЗАГС спявачка дайшла 8 жніўня. Абраннікам Аляксандры Мелех стаў гукарэжысёр Аляксандр Барскіх. Ён мае грамату ад былога міністра культуры Руслана Чарнецкага за добрую працу на праўладных мерапрыемствах.
Да 2022 года Аляксандра Мелех была малавядомай. Яна нарадзілася ў Нароўлі, скончыла Беларускі дзяржаўны ўніверсітэт культуры і мастацтваў. Працавала настаўніцай у мінскім цэнтры дадатковай адукацыі дзяцей і моладзі «Светач» ды выходзіла на бэк-вакале ў спявачкі Аўры.
Але ўсё змянілася пасля таго, як 24‑гадовая дзяўчына праспявала чарговы «хіт» Ганны Сялук — песню «Ах, Аляксандр!», якая мусіла прадэманстраваць народную любоў.
Вось якія там радкі:
«Ах, Александр, Александр, Александр!
Удача наша, и надежда, и отрада,
На белом свете он такой один,
Такой один, а мне другого и не надо».
Пасля гэтага Аляксандра Мелех, якая сціпла называе сябе «душа народная», стала зоркай праўладных мерапрыемстваў. Нявестка Лукашэнкі, якая піша песні пад псеўданімам Ганна Сялук, перыядычна падкідвае артыстцы нешта з вынікаў сваёй творчасці — напрыклад, гімн Году якасці.
Цяпер чытаюць
«На такую х**ню павялася». Расіянка прыехала з Сібіры ў Беларусь і цяпер з мацюкамі расказвае, як тут складана жыць21
Каментары