Латушка заклікаў Сабаленку паспрыяць вызваленню палітычных вязняў
«Яна як тытулаваная сусветная спартсменка можа звярнуцца да Лукашэнкі і сказаць: «Вызваліце ўсіх жанчын-палітвязняў, якія сядзяць у турмах», — напісаў ён.
Намеснік кіраўніцы Аб'яднанага пераходнага кабінета публічна звярнуўся да беларускай тэнісісткі ў сваім фэйсбуку.
«Часта думаў, як выйсці на кантакт з Арынай Сабаленкай, каб перадаць ёй сваё пасланне, але не атрымалася, таму раблю гэта публічна. Чаму я не прымаю Арыну Сабаленку? Тэніс, сусветны спорт — гэта заўсёды лакшэры, гэта заўсёды зоркі. Іх ведае ўвесь свет. Арына Сабаленка — адна з выдатных беларускіх спартсменак. Пасля Наталлі Зверавай і Максіма Мірнага яна, безумоўна, дасягнула вяршыняў у тэнісе.
Але я не прымаю яе, як і многія беларусы — дастаткова, напрыклад, паглядзець на колькасць дызлайкаў пад артыкуламі пра яе …. І лічу важным данесці чаму: яна адмаўляецца прызнаваць той кашмар, які адбываецца ў краіне, не асуджае агрэсію супраць суседняй краіны.
Яна як тытулаваная сусветная спартсменка можа звярнуцца да Лукашэнкі і сказаць: «Вызваліце ўсіх жанчын-палітвязняў, якія сядзяць у турмах».
Арына, табе ж за гэта нічога не будзе. Ты можаш гэта зрабіць. Зрабі гэта. І беларусы цябе ацэняць», — напісаў Павел Латушка, апублікаваўшы гэты допіс па-руску.
Што вядома пра віцебчука, якога вінавацяць у спробе падрыву самалёта ў Германіі12
Каментары