З‘явілася інфармацыя пра смерць акцёра Паўла Канька, але сваякі кажуць, што ён у рэанімацыі
Пра смерць 39‑гадовага артыста Паўла Канька паведаміў рэжысёр Аляксей Марусаў. Інфармацыю таксама пацвердзілі ў Гомельскім тэатры лялек, з якім Канёк быў звязаны ў апошнія гады, піша «Московский комсомолец». Аднак пасля таго, як гэтая інфармацыя шырока разышлася, сваякі паведамілі, што Павел сапраўды знаходзіцца ў рэанімацыі, але жывы.
Павел Канёк нарадзіўся ў Гомелі ў 1987 годзе. У 17 гадоў ён упершыню выйшаў на сцэну Гомельскага драматычнага тэатра. Ягоны талент заўважыў расійскі акцёр Ігар Ясуловіч, пасля чаго Канёк паступіў у ВДІК і вучыўся ў яго.
Пасля заканчэння інстытута ў 2010 годзе акцёр працаваў у маскоўскім тэатры «Камерная сцэна», а з 2015 года — у «Масканцэрце». У 2020‑м ён вярнуўся ў Беларусь і далучыўся да трупы Гомельскага маладзёжнага тэатра.
За сваю кар'еру Павел Канёк зняўся больш чым у 20 фільмах і серыялах, у тым ліку ў праектах «След», «Адвакат», «Універ» і іншых.
У яго ёсць жонка і маленькая дачка.
Цяпер чытаюць
Сын міністра Кубракова стаў начальнікам Цэнтральнага РУУС Мінска. Маёр, але будзе кіраваць палкоўнікамі4
Сын міністра Кубракова стаў начальнікам Цэнтральнага РУУС Мінска. Маёр, але будзе кіраваць палкоўнікамі
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары