Джон Коўл прыедзе ў Беларусь 15 верасня. Лукашэнка, аднак папярэдзіў: «вялікай здзелкі» не будзе
Пра гэта сказаў Аляксандр Лукашэнка сваім прапагандыстам на Абуз-Лясноўскім палігоне пад Баранавічамі.
Лукашэнка на пытанне адной з прапагандыстак наконт перспектыў «вялікай здзелкі» з ЗША заявіў, што «мы адкрытыя». Маўляў, амерыканцы паздымалі санкцыі з Беларусі і гатовыя здымаць яшчэ. Але «ўсе зацыкліліся на палітзняволеных», і ён даў зразумець, што вызваленні іх будуць і гэтым разам, хоць не ўстрымаўся, каб пазлараднічаць:
«Ды Госпад з вамі, бярыце. Усе перажывалі: ах, Ціханоўскага адпусцілі. І дзе Сярожа? Знайсці не можам, ён нікому не патрэбны. І ўжо гляджу там — то крычала «Аддайце мужа», а цяпер з мужам не жыве».
З амерыканцамі Лукашэнка гатовы абмяркоўваць пытанні пасольства ў Мінску, ядзерных матэрыялаў, калійных угнаенняў. Паводле яго, ёсць процьма ўсяго, а не «здзелка і Трамп».
«Так, як казаў шчыра, што я трампіст, падтрымліваў Трампа і гэтак далей. Я бачу яго памылкі, гавару пра іх прама ягонаму найлепшаму сябру, які 15‑га павінен прыехаць да нас, і гавару пра гэта».
Ён можа абмяркоўваць нават пытанне Газы і Рады міру, абы толькі «не ў якасці дэкарацый».
«Мы і да малой, і да вялікай здзелкі гатовыя, — сказаў Аляксандр Лукашэнка. — Калі нам гэта выгадна, мы робім. Калі нявыгадна — не робім. І не таму што мы такія героі гераічныя. Мы ведаем сваё месца ў гэтым складаным свеце. Мы не будзем гэтага рабіць, бо гэта прыніжэнне для людзей і таму што гэтага не трэба. Ну санкцыі і санкцыі. Санкцыі — гэта час магчымасцяў. Што мы, мяса і малака сталі менш вырабляць? Што мы, тэхнікі сталі менш выпускаць? Ну і наш інтарэс», — дадаў ён.
І запатрабаваў ад ЗША «вярнуць 43—44 мільёны даляраў за калій, у Citybank захраслі».
«Гэта ж ганьба для ЗША, і пасля мы будзем дамаўляцца пра больш сур’ёзныя рэчы».
«Яе не было і не будзе». Лукашэнка выказаўся пра маштабную прыватызацыю ў Беларусі
Лукашэнка заклікаў не трымаць запасы ў далярах
Лукашэнка заявіў, што Беларусь прадае калій у ЗША
Аказваецца, Коля Лукашэнка служыць у арміі
«Усіх праверым. Аж да мабілізацыі». Лукашэнка загадаў працягнуць праверкі гатоўнасці ў войсках
Цяпер чытаюць
Джон Коўл прыедзе ў Беларусь 15 верасня. Лукашэнка, аднак папярэдзіў: «вялікай здзелкі» не будзе6
Каментары
Коўл такіж лох - прыехаць каб што? Палітзняволеных няма - значыць і ехаць няма пра што