Džon Koŭł pryjedzie ŭ Biełaruś 15 vieraśnia. Łukašenka, adnak papiaredziŭ: «vialikaj ździełki» nie budzie
Pra heta skazaŭ Alaksandr Łukašenka svaim prapahandystam na Abuz-Lasnoŭskim palihonie pad Baranavičami.
Łukašenka na pytańnie adnoj z prapahandystak nakont pierśpiektyŭ «vialikaj ździełki» z ZŠA zajaviŭ, što «my adkrytyja». Maŭlaŭ, amierykancy pazdymali sankcyi ź Biełarusi i hatovyja zdymać jašče. Ale «ŭsie zacyklilisia na palitźniavolenych», i jon daŭ zrazumieć, što vyzvaleńni ich buduć i hetym razam, choć nie ŭstrymaŭsia, kab pazłaradničać:
«Dy Hospad z vami, biarycie. Usie pieražyvali: ach, Cichanoŭskaha adpuścili. I dzie Siaroža? Znajści nie možam, jon nikomu nie patrebny. I ŭžo hladžu tam — to kryčała «Addajcie muža», a ciapier z mužam nie žyvie».
Z amierykancami Łukašenka hatovy abmiarkoŭvać pytańni pasolstva ŭ Minsku, jadziernych materyjałaŭ, kalijnych uhnajeńniaŭ. Pavodle jaho, jość proćma ŭsiaho, a nie «ździełka i Tramp».
«Tak, jak kazaŭ ščyra, što ja trampist, padtrymlivaŭ Trampa i hetak dalej. Ja baču jaho pamyłki, havaru pra ich prama jahonamu najlepšamu siabru, jaki 15‑ha pavinien pryjechać da nas, i havaru pra heta».
Jon moža abmiarkoŭvać navat pytańnie Hazy i Rady miru, aby tolki «nie ŭ jakaści dekaracyj».
«My i da małoj, i da vialikaj ździełki hatovyja, — skazaŭ Alaksandr Łukašenka. — Kali nam heta vyhadna, my robim. Kali niavyhadna — nie robim. I nie tamu što my takija hieroi hieraičnyja. My viedajem svajo miesca ŭ hetym składanym śviecie. My nie budziem hetaha rabić, bo heta prynižeńnie dla ludziej i tamu što hetaha nie treba. Nu sankcyi i sankcyi. Sankcyi — heta čas mahčymaściaŭ. Što my, miasa i małaka stali mienš vyrablać? Što my, techniki stali mienš vypuskać? Nu i naš intares», — dadaŭ jon.
I zapatrabavaŭ ad ZŠA «viarnuć 43—44 miljony dalaraŭ za kalij, u Citybank zachraśli».
«Heta ž hańba dla ZŠA, i paśla my budziem damaŭlacca pra bolš surjoznyja rečy».
«Jaje nie było i nie budzie». Łukašenka vykazaŭsia pra maštabnuju pryvatyzacyju ŭ Biełarusi
Łukašenka zaklikaŭ nie trymać zapasy ŭ dalarach
Łukašenka zajaviŭ, što Biełaruś pradaje kalij u ZŠA
Akazvajecca, Kola Łukašenka słužyć u armii
«Usich pravierym. Až da mabilizacyi». Łukašenka zahadaŭ praciahnuć pravierki hatoŭnaści ŭ vojskach
Ciapier čytajuć
Najbujniejšaj u śviecie fan-supolnaściu Łedzi Hahi kiruje chłopiec ź Minska, jaki adsiedzieŭ za pratesty. Rasijanie paśpiašalisia zapisać jaho ŭ svaje1616
Kamientary
Koŭł takiž łoch - pryjechać kab što? Palitźniavolenych niama - značyć i jechać niama pra što