65‑гадовы творца актыўна ўдзельнічаў у падзеях 2020 года і зазнаў пераслед.
У суботу 19 верасня пайшоў з жыцця беларускі літаратар і бард Анатоль Кудласевіч. Два тыдні таму яму споўнілася 65 гадоў.
Кудласевіч нарадзіўся ў 1961 годзе ў Столінскім раёне. Па першай адукацыі ветэрынар, пазней ён звязаў жыццё з літаратурай і скончыў Літаратурны інстытут імя Максіма Горкага ў Маскве.
Кудласевіч працаваў на Беларускім тэлебачанні і радыё, займаўся літаратурнымі і культурнымі праграмамі. Ён аўтар некалькіх паэтычных і празаічных кніг, пісаў песні і выступаў як бард. Таксама займаўся складаннем літаратурных анталогій, у тым ліку беларускіх эпітафій і пародый.
У жніўні 2020 года Анатоля Кудласевіча арыштоўвалі на 10 сутак за ўдзел у акцыі пратэсту. У 2021‑м у кватэры літаратара прайшло два ператрусы. Першы звязвалі са справай Аўтуховіча, падчас другога ГУБАЗіК разграміў жытло Кудласевіча.
Каментары
НАТОЎПУ
Выйдзі з натоўпу і стань чалавекам!
Людзі, ўставайце жыць!
Мяне штурхнулі, я – штурхнуў:
Мой сусед штурхаў суседзяў…
Мяне піхнулі, я – піхнуў,
Мой сусед піхаў суседзяў…
Звярэлі ўсе! Ніхто не ўгледзеў
Як пад нагамі хтосьці закрычаў,
Яго натоўп бязлітасны таптаў,
А ён крычаў, так жыць хацеў –
Яго ж ніхто зусім не заўважаў.
Вось следам нехта новы паляцеў,
Сусед мой па-свіннячы завішчаў –
Нічога ўжо ніхто не разбіраў:
Яго тапталі, ён – таптаў…
Так чалавека растапталі мы ўсе разам!
Хто ж вінаваты?
Той, хто йдзе ў натоўп.
Выйдзі з натоўпу, стань чалавекам!
Людзі, ўставайце жыць!