Пакуль беларуска гасцявала ў Мінску, у яе дом у Іспаніі спрабавалі залезці акупасы
Аксана Булатая з Брэстчыны ўжо 16 гадоў жыве ў Іспаніі. Нядаўна яна вырашыла прыехаць на радзіму. І ў гэты момант ледзь не страціла нерухомасць у Еўрасаюзе.
Аксана распавяла ў інстаграме, што яе іспанскі дом у Валенсіі — гэта сапраўдная крэпасць. Ведаючы праблему з акупасамі, яна імкнулася прадугледзець усё: паставіла сучасную сігналізацыю на дом і двор, падключыла сістэму відэаназірання па перыметры. Таксама ёсць браняваныя дзверы і якасныя вокны — плюс краткі паўсюль. «Сёлета, як улезлі ў дом сяброўкі, я фактычна арганізавала ў доме кругласутачнае назіранне», — расказвае яна.
Акупасы ў Іспаніі — гэта людзі, якія незаконна засяляюцца ў чужое, часта пустое, жыллё, а праз павольныя суды і моцную прававую абарону ўжо занятага жылля ўласнікам бывае цяжка іх выселіць: на гэта можа сысці шмат месяцаў і вялікія грошы.
Трэвел-блогерка была ўпэўненая, што яе нерухомасць у бяспецы, але каб дадаткова падстрахавацца на час ад’езду, прапанавала ўсё лета жыць у доме сваім дзецям і дзецям сяброўкі.
Тым не менш, аднойчы ноччу дзеці Аксаны прыехалі да дома і ўбачылі ў двары дзіўную цемнаскурую кампанію. Двое дарослых і чацвёра дзяцей хадзілі вакол жылля з ліхтарыкамі.
Яны былі добра адзетыя, прыехалі на нятаннай машыне і размаўлялі паміж сабой па-нямецку. Сын Аксаны спытаў у незнаёмцаў, хто яны такія і што робяць тут.
Тыя не разгубіліся і заявілі, быццам зарэзервавалі жыллё праз Airbnb і нават прадэманстравалі ў тэлефоне адрас Аксаны і нейкія ключы. Блогерка ўпэўненая, што ключы былі нейкія чужыя.
Пасля таго, як іх застукалі на гарачым, сям'я вельмі хутка села ў машыну і паехала, не стаўшы развіваць легенду пра арэнднае жыллё.
Дачка Аксаны звярнулася ў паліцыю — там паабяцалі некалькі дзён патруляваць раён.
Цяпер чытаюць
Дзе працуюць і як выглядаюць жонкі топ-чыноўнікаў?13
Дзе працуюць і як выглядаюць жонкі топ-чыноўнікаў?
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1010
Каментары
Не ўрад, а байстукі- сацыялісты! Абараняюць злодзеяў, а не ўласнікаў.