Памёр былы нападаючы мінскага «Дынама» і футбольны трэнер Руслан Лукін. Пра гэта паведаміла прэс-служба футбольнага клуба «Вілія» з Вілейкі. Яму было ўсяго 54 гады.
Руслан Лукін нарадзіўся і вырас у сталіцы Азербайджана Баку, з дзяцінства падаючы вялікія надзеі. Ён выступаў за юнацкую, юніёрскую і моладзевую зборныя СССР, у складзе юнацкай каманды да 18 гадоў у 1990 годзе стаў чэмпіёнам Еўропы. У 1992‑1993 гадах згуляў тры матчы і за зборную незалежнага Азербайджана, забіўшы два галы.
У пачатку 1990‑х гадоў Лукін гуляў за мінскае «Дынама». Акрамя таго, ён выступаў за «Маладзечна», азербайджанскі «Нефтчы», салігорскі «Шахцёр», ізраільскі «Хапаэль» з Беэр-Шэвы і іншыя клубы.
Пасля завяршэння кар'еры футбаліста Лукін працаваў трэнерам. Ён узначальваў «Маладзечна», няcвіжскі «Верас», «Асіповічы» і шэраг іншых беларускіх футбольных клубаў.
У футбольным клубе «Вілія» Лукін працаваў старшым трэнерам у 2024—2025 гадах. У клубе адзначылі, што ён перадаваў камандзе не толькі свой вопыт, але і душу, і выказалі спачуванні яго родным і блізкім.
Цяпер чытаюць
Здзелка Трампа з Пуціным: чым за яе могуць заплаціць Украіна і Беларусь24
Здзелка Трампа з Пуціным: чым за яе могуць заплаціць Украіна і Беларусь
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі77
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі7
«Запрасіў мяне на спатканне і прыехаў на яго з пакетам памідораў замест кветак». Што ўспамінаюць пра Яна Памедора Рэуцкага, адміна шматтысячнай суполкі беларусаў Польшчы88
Каментары