У Францыі знайшлі дзве карціны вядомага мастака П’ера Агюста Рэнуара, выкрадзеныя месяц таму з музея ў горадзе Кань-сюр-Мер на поўдні краіны. Пра гэта 9 кастрычніка паведаміў мэр горада Брыян Масон, піша Deutsche Welle.
Брыян Масон назваў знойдзеныя палотны не проста творамі мастацтва, а часткай гісторыі і культурнай спадчыны горада. Па словах мэра, навіна пра іх выяўленне прынесла вялікую палёгку. Масон не раскрыў, дзе менавіта знайшлі карціны, але высока ацаніў працу следчых.
За два дні да гэтага стала вядома пра затрыманне шасці падазраваных у рабаванні музея.
Злачынства адбылося рана раніцай 8 верасня. Двое невядомых праніклі ў музей Рэнуара ў Кань-сюр-Мер, але, заўважыўшы, што трапілі на камеры відэаназірання, вырашылі ўцякаць. Па дарозе яны кінулі ў садзе два з чатырох выкрадзеных палотнаў — «Партрэт мадам Стэфан Пішон» і «Кока чытае», на якім намаляваны малодшы сын мастака Клод Рэнуар.
Зламыснікі здолелі вынесці дзве іншыя карціны — «Мадам Калона Рамана» і «Маладая жанчына каля студні». Іх агульны кошт ацэньваецца ў восем мільёнаў еўра. Расследаванне праводзілі ў таямніцы, каб выйсці на след магчымых заказчыкаў крадзяжу.
Музей Рэнуара адкрыўся ў 1960 годзе на віле, дзе адзін з вядучых прадстаўнікоў імпрэсіянізму правёў апошнія гады жыцця. У яго калекцыі ёсць таксама работы іншых французскіх мастакоў, у тым ліку Арыстыда Маёля, П’ера Банара і Рауля Дзюфі.
З вілы Рэнуара ў Францыі скралі карцін на 9 мільёнаў еўра. Хто арганізуе гэтыя рабаванні і як
У Францыі з музея скралі 150‑кілаграмовую вокладку работы Сальвадора Далі
Рабаўнікі сярод белага дня выкралі з музея ў Вене калье з 600 дыяментамі
У Італіі абрабавалі музей з карцінамі генія Адраджэння, якога параўноўвалі з Рафаэлем. Чаму зладзеі спакусіліся менавіта гэтымі творамі?
У Італіі знайшлі скрадзеныя шэдэўры Рэнуара, Сезана і Маціса. Затрыманыя дзевяць грамадзян Малдовы
Святлана Ціханоўская пра крытыку з боку Ціханоўскага: Мне ад гэтага вельмі крыўдна і непрыемна40
Каментары