У Францыі з музея скралі 150‑кілаграмовую вокладку работы Сальвадора Далі
У ноч на 5 кастрычніка з Цэнтра сучаснага мастацтва ў французскім горадзе Ісуар скралі ўнікальную «Кнігу Апакаліпсіса», кошт якой ацэньваецца ў некалькі мільёнаў еўра, паведамляе BFMTV.
Спачатку паведамлялася, што з музея цалкам знік экспанат вагой 210 кілаграмаў. Аднак пракуратура ў сваім паведамленні згадала толькі бронзавую вокладку працы Сальвадора Далі вагой 150 кілаграмаў. Ці была скрадзеная і астатняя частка кнігі, пакуль невядома.
Мэр Ісуара назваў шкоду ад крадзяжу такой, якую немагчыма ацаніць. Абставіны злачынства пакуль не раскрываюцца, пракуратура пачала расследаванне.
«Кніга Апакаліпсіса» была створаная ў 1958—1961 гадах па ініцыятыве французскага выдаўца Жазэфа Фарэ. Для працы над ёй ён запрасіў 14 вядомых мастакоў і пісьменнікаў, сярод якіх былі Жан Както і Сальвадор Далі. Далі стварыў для кнігі бронзавую вокладку, упрыгожаную золатам і марскімі ракушкамі.
У пачатку 1960‑х гадоў кнігу ацэньвалі ў два мільёны французскіх франкаў, што адпавядае прыкладна 305 тысячам цяперашніх еўра. У 2003 годзе гэты асобнік набыў французскі калекцыянер Крысціян Карутзос.
Гэта ўжо не першы гучны крадзеж з французскага музея за апошні час. У кастрычніку 2025 года з Луўра злачынцы вынеслі каштоўнасці французскай кароны на суму 88 мільёнаў еўра. У верасні 2026 года з музея Рэнуара ў Кань-сюр-Мэры на Блакітным Беразе скралі чатыры карціны мастака. Дзве з іх злачынцы кінулі падчас уцёкаў.
Францыю накрыла цэлая эпідэмія рабаванняў музеяў
Неацэнныя каштоўнасці скрадзеныя за 7 хвілін. Новыя падрабязнасці абрабавання Луўра
Шкоду ад скрадзеных з Луўра каштоўнасцяў ацанілі ў 88 мільёнаў еўра
З вілы Рэнуара ў Францыі скралі карцін на 9 мільёнаў еўра. Хто арганізуе гэтыя рабаванні і як
Рабаўнікі сярод белага дня выкралі з музея ў Вене калье з 600 дыяментамі
У Італіі абрабавалі музей з карцінамі генія Адраджэння, якога параўноўвалі з Рафаэлем. Чаму зладзеі спакусіліся менавіта гэтымі творамі?
Хто такая Алеся Пархоменка з Кіпра, якая развязала беларуска-беларускую вайну88
Хто такая Алеся Пархоменка з Кіпра, якая развязала беларуска-беларускую вайну
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1515
Каментары