«А-100» прывязала цэны на аўтамабільных мыйнях да таго, якое надвор'е
Сетка АЗС «А-100» у Мінску ўвяла дынамічнае цэнаўтварэнне на аўтамабільных мыйнях. Цяпер кошт паслугі на рабатызаваных мыйнях залежыць ад надвор’я, паведаміла кампанія выданню Office Life.
Новая сістэма аналізуе верагоднасць дажджу і снегу ў розных раёнах Мінска і аўтаматычна змяняе тарыфы. Таму адна і тая ж праграма мыцця можа каштаваць па-рознаму ў залежнасці ад раёна і прагнозу ападкаў.
Калі надвор’е пагаршаецца, алгарытм зніжае кошт мыцця. У кампаніі тлумачаць, што такім чынам хочуць падзяліць з кліентамі рызыкі, звязаныя з надвор’ем, і прапанаваць ім больш выгадныя цэны ў пахмурныя дні.
Падобны прынцып дынамічнага цэнаўтварэння ўжо выкарыстоўваецца ў службах таксі, авіякампаніях і гатэлях, дзе кошт паслуг залежыць ад попыту. Аднак для беларускага рынку аўтамабільных мыйняў гэта новы падыход.
Акрамя таго, кампанія распрацавала новы дадатак «Дзякуй» у Telegram. З яго дапамогай можна аплаціць рабатызаваную мыйню са смартфона, не выходзячы з аўтамабіля. Для гэтага дастаткова выбраць патрэбную праграму мыцця.
Беларускія рэпетытары ў паніцы: праз праблемы «Яндэкса» яны могуць страціць матэрыялы, якія напрацоўвалі гадамі23
Каментары