Уладзімір Пуцін заявіў, што з пачатку 2026 года расійская армія захапіла каля 6500 квадратных кіламетраў тэрыторыі Украіны і 310 населеных пунктаў. Аднак, паводле падлікаў амерыканскага Інстытута вывучэння вайны (ISW), фактычны чысты прырост тэрыторыі пад кантролем расійскіх войскаў за студзень — верасень склаў толькі 144,51 квадратнага кіламетра. Гэта прыкладна ў 45 разоў менш за лічбу, названую Пуціным, піша The Moscow Times.
Паводле даных ISW, у студзені расійскія войскі захапілі 318,54 квадратнага кіламетра, у лютым — 122,73, у сакавіку — 23,04. У красавіку яны страцілі 116,01 квадратнага кіламетра, а ў маі — яшчэ 281,1. У чэрвені расійская армія заняла 30,02 квадратнага кіламетра, у ліпені — 37,85, у жніўні — 90,25. У верасні яна зноў страціла тэрыторыю — 80,81 квадратнага кіламетра.
Пуцін таксама сцвярджаў, што пад кантролем Украіны застаецца крыху больш за 10% тэрыторыі Данецкай вобласці і 16,5% Запарожскай вобласці, а Луганская вобласць цалкам кантралюецца Расіяй.
У ISW лічаць, што заявы расійскага кіраўніцтва пра маштабы ваенных поспехаў не адпавядаюць рэальнай сітуацыі на фронце. Паводле даных аналітыкаў інстытута, Крэмль актывізаваў намаганні, каб сфармаваць уяўленне пра значна большыя дасягненні расійскай арміі, чым тыя, якія можна пацвердзіць.
Пры гэтым абмежаванае прасоўванне расійскіх войскаў суправаджаецца значнымі стратамі. Паводле ацэнак Цэнтра стратэгічных і міжнародных даследаванняў (CSIS), з пачатку поўнамаштабнага ўварвання ва Украіну ў лютым 2022 года да чэрвеня 2026‑га расійскія войскі страцілі каля 1,4 мільёна чалавек, у тым ліку не менш за 450 тысяч забітымі.
У першай палове 2026 года, паводле ацэнак аналітыкаў CSIS, расійскія войскі штомесяц страчвалі 30—34 тысячы чалавек, тады як набор новых кантрактнікаў забяспечваў папаўненне прыкладна на 27 тысяч вайскоўцаў у месяц.
У верасні расійская армія страціла больш за 50 тысяч чалавек, з якіх 28 тысяч загінулі. Пра гэта паведамляла агенцтва Bloomberg са спасылкай на высокапастаўленага прадстаўніка НАТА.
Пацверджана смерць 282 тысяч расійскіх вайскоўцаў ва Украіне
Зяленскі: Такой дэманстратыўнай непавагі Расіі да ЗША яшчэ не было
Джорджа Мелоні: Ніхто не пераканае мяне ў тым, што капітуляцыю таго, хто абараняе сваю свабоду, можна называць «мірам»
НАТА: Расія толькі за верасень страціла больш за 50 тысяч вайскоўцаў
Зяленскі: Падарункі Пуціну не прынясуць міру і не дадуць ніякай карысці цывілізаванаму свету
Цяпер чытаюць
А што будзе, калі вярнуцца ў Беларусь? Кажуць жа, што рэпрэсіі заканчваюцца4
Каментары