Агуркі па 20 рублёў, баравікі — па 100. Ці варта ехаць на Камароўку ў кастрычніку?
Выбар на галоўным рынку Мінска ў кастрычніку па-ранейшаму радуе. Аднак частка прадуктаў ужо даражэе.
Журналісты Tochka.by заехалі на Камароўку напярэдадні выходных.
Танную бульбу можна знайсці толькі ў некалькіх прадаўцоў — ад 0,79 рубля за кілаграм. Астатнія бяруць па 2—4 рублі, што для сезону здаецца дарагавата.
Капусту аддаюць па 0,8—3 рублі за 1 кг, моркву — па 1—5 рублёў, буракі — па 2,5—4,5 рубля, цыбулю — па 2,5—20 рублёў.
Па-ранейшаму ёсць танная цукровая кукуруза — ад 2,5 рубля за кілаграм.
Перац прадаюць ад 3 рублёў за 1 кг. Самыя выгадныя памідоры каштуюць усяго 1 рубель за кілаграм.
У сярэднім жа таматы прадаюцца па 2,5—7 рублёў, але ёсць і даражэйшыя — па 12—25 рублёў.
З агуркамі таксама цікава. Іх становіцца ўсё менш, самыя танныя каштуюць 1,5 рубля, у сярэднім жа іх прадаюць па 4—6 рублёў. Аднак у некаторых прадаўцоў ёсць «раднічок» неверагоднай цаной — 20 рублёў за кілаграм.
Шмат гарбузоў, іх цана — 3—6 рублёў за 1 кг. Прадаўцы могуць прапанаваць як цэлы гарбуз, так і нарэзаны кавалкамі.
А найбольш разрэкламаваны прадукт цяпер — беларускі батат.
Яго прадаюць па 12—18 рублёў за 1 кг.
Часнок, як звычайна, каштавацьме 10—20 рублёў за кілаграм.
Грыбоў не так шмат. Лісічкі каштуюць 12—13,9 рубля, шампіньёны — 8—12 рублёў. Апенькі прапануюць па 20 рублёў.
Баравікі не таннеюць — у сярэднім за іх просяць 100 рублёў за кілаграм. Невялікая ўпакоўка будзе каштаваць прыкладна 50 рублёў. І попыт ёсць.
Садавіны на рынку хапае. Цяпер выгадна купляць яблыкі: ёсць нават па 1 рублі за кілаграм, а ў сярэднім цана даходзіць да 4 рублёў. А вось грушы каштуюць даражэй— 4,9—10 рублёў за 1 кг.
Пачалі завозіць усё больш хурмы. Цяпер яна каштуе 4—15 рублёў за 1 кг.
Кавуны прадаюць па 2,5 рубля за кілаграм. Дарэчы, у сеткавых крамах яны будуць таннейшыя — ёсць нават па 0,99 рубля. Дыні на Камароўцы аддаюць па 2,5—5 рублёў за 1 кг.
Выгадна браць бананы — яны каштуюць 2,9—5 рублёў за кілаграм. Тое самае з вінаградам — 3,9—25 рублёў. Апельсіны каштуюць 5,9—15,9 рубля.
Ягад засталося няшмат. Беларускія клубніцы каштуюць 16,9—25 рублёў за кілаграм, што выглядае даволі выгадна для сярэдзіны восені. Асабліва калі ў крамах яны ўжо каштуюць 50 рублёў і больш.
Журавіны прадаюцца па 9—11 рублёў за 1 кг. Таксама можна знайсці беларускія буякі па 29,9 рубля. Звернем увагу, што ў некаторых крамах імпартныя ягады ўжо каштуюць 100—150 рублёў.
Бізнэсовец родам з Бабруйска адмовіцца ад свайго гіганцкага аўстралійскага заробку дзеля шанцу атрымаць $35 мільёнаў3
Каментары