Грамадства1313

Стала вядома, што за новы будынак для БДУ паставяць у цэнтры Мінска

Раней стала вядома, што ў гістарычным дворыку Беларускага дзяржаўнага ўніверсітэта ў Мінску плануюць пабудаваць новы шматфункцыянальны корпус для студэнтаў. Цяпер праект вынеслі на грамадскае абмеркаванне, якое пройдзе з 26 кастрычніка да 10 лістапада, піша Times.by.

Будынак размесціцца ў квартале паміж вуліцамі Свярдлова, Ленінградскай, Бабруйскай і праспектам Незалежнасці. Ён будзе мець пяць-шэсць паверхаў і падземны ўзровень. Архітэктары імкнуліся ўпісаць новую пабудову ў гістарычнае асяроддзе, таму для яе абралі лаканічны канструктывісцкі стыль.

Праект распрацаваў інстытут «Белдзяржпраект», заказчыкам выступае БДУ. Для будаўніцтва выдзелілі ўчастак плошчай больш за 4 тысячы квадратных метраў.

У новым корпусе размесцяцца вучэбныя аўдыторыі, спартыўны цэнтр, кавярня, невялікі інтэрнат і музей. Памяшканні падзеляць на асобныя функцыянальныя зоны.

На першым паверсе прадугледжаныя хол з гардэробам, кавярня на 48 чалавек, вучэбныя класы і залы для кіна-лекцый. Другі паверх цалкам аддадуць пад спорт: там будуць спартыўныя і трэнажорныя залы, распранальні з душавымі, а таксама кабінеты трэнераў. На трэцім паверсе размесцяцца вучэбныя аўдыторыі і кабінеты выкладчыкаў.

Чацвёрты і пяты паверхі зойме інтэрнат на 56 чалавек. У ім будуць жылыя пакоі, бытавыя зоны і памяшканні для заняткаў. На шостым паверсе плануюць абсталяваць лекцыйныя аўдыторыі і музей. У будынку паставяць чатыры пасажырскія ліфты, два з якіх прызначаныя спецыяльна для інтэрната.

Корпус пабудуюць з маналітнага жалезабетону, а сцены выкладуць з керамзітабетонных блокаў. Дах будзе пляскатым, на ім зробяць адкрытую тэрасу з агароджай.

Праект прадугледжвае таксама ўпарадкаванне прылеглай тэрыторыі. У двор можна будзе заехаць з боку вуліцы Ленінградскай. Дарогі і тратуары выкладуць пліткай, каля галоўнага ўвахода паставяць лаўкі, сметніцы, велапаркоўкі і флагштокі.

У гаспадарчай частцы двара з'явяцца новая трансфарматарная падстанцыя і пляцоўка для раздзельнага збору смецця. Таксама прадугледжаныя два паркавальныя месцы для людзей з інваліднасцю і праезды для пажарных машын.

Азнаёміцца з эскізамі і схемамі будучага корпуса, а таксама даслаць заўвагі і прапановы можа кожны ахвотны на сайце адміністрацыі Маскоўскага раёна Мінска.

Прапановы прымаюцца з 26 кастрычніка да 10 лістапада. Іх можна накіраваць у пісьмовай форме па адрасе: Мінск, праспект Дзяржынскага, 10, 220036, або па электроннай пошце [email protected] з пазнакай «Грамадскае абмеркаванне».

Усе атрыманыя заўвагі перададуць на разгляд архітэктурна-горадабудаўнічай рады пры галоўным архітэктары Мінска.

Каментары13

  • Бэ Гэ У
    21.10.2026
    Нейкая незразумелая мешаніна ў адным будынку: трэнажорныя залы, кабінеты трэнераў, нават інтэрнат, а яшчэ кіна-залы, аўдыторыі.
    Вельмі нагадвае ваенны факультэт, які на Кастрычніцкай.
  • Жора
    22.10.2026
    [Рэд. выдалена]
  • .
    22.10.2026
    Какое "абмеркаваньне" ? Никого мнение людей в Беларуси от Лукавого не интересует. Пилят бабло, "аж пинжак заворачивается"!
    Или может есть другие мнения?

Цяпер чытаюць

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку13

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку

Усе навіны →
Усе навіны

У былой прапагандысткі АНТ у Аўстраліі скралі машыну. Але хутка кінулі, бо ламачча11

Еўракамісія прапанавала выдаць Украіне 45 мільярдаў еўра пад агульны доўг краін ЕС2

Удары па расійскіх НПЗ пагрузілі краіну ў найгоршы паліўны крызіс з часоў распаду Савецкага Саюза7

У Польшчы будуць судзіць жанчыну, якая збіла ўкраінскіх дзяцей і ўхваляла расійскую агрэсію4

У Расіі доктар памылкова прызнаў пацыентку памерлай. А потым забіў яе ў моргу, каб схаваць памылку8

Егіпецкі самалёт двойчы за ноч сядаў у Мінску па дарозе ў Маскву

У Брэсцкім універсітэце правялі паказальны суд за «абразу Лукашэнкі»5

«Выгуляю сабаку за 5 еўра». Як айцішнік выжывае ў Іспаніі — у Польшчы яго звольнілі за тое, што пераехаў7

У Гданьску беларус сказаў паліцэйскім, што ўдзельнічае ў конкурсе па пошуку схаваных наркотыкаў2

больш чытаных навін
больш лайканых навін

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку13

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку

Галоўнае
Усе навіны →

Заўвага:

 

 

 

 

Закрыць Паведаміць