«Гаспадар проста пайшоў». У Мінску дзіця пакусаў сабака, дзяўчынцы ніхто не дапамог
У пачатку тыдня з рэдакцыяй выдання «Анлайнер» звязалася чытачка па імені Вольга. Жанчына расказала, што ў нядзелю ўвечары яе дачку на вуліцы ў Мінску пакусаў сабака. Паводле яе слоў, гаспадар жывёлы ніяк не адрэагаваў на здарэнне, а проста забраў свайго сабаку і моўчкі пайшоў, не аказаўшы дапамогі.
Усё адбылося каля 21:00 у мікрараёне Малінаўка. 12‑гадовая дзяўчынка выгульвала свайго сабаку пароды басенджы (на фота) у яры паміж цэнтрам Максіма Мірнага і могілкамі. Як сцвярджае Вольга, іхні сабака быў на павадку.
«Да іх падбег іншы сабака, буйнейшы за нашага разы ў два, і напаў. Дачка пачала накрываць свайго сабаку, і чужы ўкусіў яе некалькі разоў за нагу. Калі дзіця закрычала, гаспадар сабакі падышоў і моўчкі забраў сваю жывёліну.
Як расказала дачка, сабака быў буйны, светлая доўгая поўсць, на ім быў сіні ашыйнік, які свяціўся. Сам гаспадар быў у шапцы і капюшоне. Дзіця ад шоку і болю не запомніла больш ніякіх дэталяў, толькі заўважыла, што мужчына быў у кампаніі іншых сабачнікаў».
Пасля ўкусу дзяўчынка адразу ж патэлефанавала маме, каб тая яе забрала. У той жа дзень пацярпелай зрабілі прышчэпку ад шаленства. Паводле слоў Вольгі, пасля вакцыны ў дзіцяці ўжо два дні трымаецца тэмпература і ёсць слабасць у целе.
«Калі гаспадар сабакі не знойдзецца, прыйдзецца рабіць яшчэ 4 прышчэпкі. Наступную трэба ставіць у панядзелак».
Жанчына ўжо звярнулася ў міліцыю, аднак уласніка сабакі пакуль не знайшлі. Камер відэаназірання на пустцы няма.
Дзяўчыну не пусцілі ў мінскае метро з сабакам — давялося надзяваць пакет ФОТАФАКТ
«Хлусня ледзь не каштавала жыцця больш чым 10 ветэрынарам». Ветклініка расказала пра выпадак шаленства
Сабака ўкусіў дзіця непадалёк ад дзіцячай пляцоўкі, калі тое спрабавала залезці на дрэва? Версіі маці і гаспадара
Як пасля выпіскі выглядае дзяўчынка, на якую напалі бяздомныя сабакі
Былога ветэрынара з Барысава пакусаў бяздомны сабака, але да дактароў мужчына не пайшоў
Цяпер чытаюць
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос8
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1414
Каментары
[Зрэдагавана]
Второе,Мать дочери должна была ребёнку обьяснить,что жизнь никакой твари не выше здоровья и жизни человека.Поэтому к качестве административного наказания и вместо штрафа собаку также усыпить.Примерно так нужно вбивать в головы двуногих правила поведения и воспитания в нормальном ответсвенном социуме...