Грамадства

У браканьераў пад Слаўгарадам знайшлі траціл і баявыя гранаты

У Слаўгарадскім раёне затрымалі двух мясцовых жыхароў, якіх падазраюць у браканьерстве. Падчас праверкі інспектары па ахове жывёльнага і расліннага свету знайшлі ў аднаго з іх дома значны запас выбуховых рэчываў, баявых гранат, боепрыпасаў і незарэгістраванай зброі.

Спачатку ўвагу супрацоўнікаў Магілёўскай абласной інспекцыі аховы жывёльнага і расліннага свету прыцягнулі падазрэнні ў незаконным рыбалоўстве. У мужчын канфіскавалі сеткі агульнай даўжынёй 180 метраў. За парушэнне правіл рыбалоўства пачалі адміністрацыйны працэс.

Аднак падчас агляду дома аднаго з затрыманых інспектары знайшлі больш за 20 кілаграмаў трацілу, каля 400 грамаў пораху і дэтануючы шнур. Акрамя таго, там захоўваліся 80 электрадэтанатараў, дзевяць узрывальнікаў, капсулі-дэтанатары і запалы УЗРГМ.

Сярод знойдзеных боепрыпасаў былі тры артылерыйскія снарады калібру 45 міліметраў, гранаты РГ-42, РГД-5 і Ф-1, а таксама ружэйная граната. Інспектары таксама знайшлі незарэгістраваны баявы карабін СВТ — вінтоўку Токарава, незарэгістраваную стрэльбу ІЖ-58 і больш за 750 патронаў розных калібраў, у тым ліку 7,62 міліметра, 12‑га і 16‑га калібраў.

Акрамя зброі і выбуховых рэчываў, у доме знайшлі і металашукальнік. Паводле меркавання інспектараў, яго маглі выкарыстоўваць для пошуку і раскопвання старых вайсковых сховішчаў і боепрыпасаў, якія засталіся з часоў Другой сусветнай вайны.

З улікам колькасці знойдзеных прадметаў і патэнцыйнай небяспекі для грамадскай бяспекі да праверкі далучыліся сілавыя структуры. Абставіны справы высвятляе 11‑е ўпраўленне ГУБАЗіК МУС Беларусі.

Цяпер вырашаецца пытанне аб завядзенні крымінальнай справы паводле артыкула 295 Крымінальнага кодэкса, які прадугледжвае адказнасць за незаконныя дзеянні са зброяй і выбуховымі рэчывамі, у тым ліку пакаранне ў выглядзе пазбаўлення волі.

Каментары

Цяпер чытаюць

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Усе навіны →
Усе навіны

УСУ ўдарылі па Крымскім мосце. Рух транспарту спынены15

Турысты накідалі ў фантан Трэві амаль на 200 тысяч еўра менш пасля таго, як падыход да яго зрабілі платным4

Кітайскі маркетплэйс Temu сам прапанаваў беларусцы супрацоўніцтва, але зліўся, калі даведаўся яе грамадзянства13

Мінабароны расказала, як над Беларуссю збіваюць заблукалыя дроны2

З Янам Памедорам Рэуцкім развіталіся ў Варшаве

Канкурэнт Starlink страціў 40 спадарожнікаў: ракета не даляцела да арбіты

Сабаленка адкацілася на трэцяе месца ў сусветным рэйтынгу

Сэрца — амаль адзіны орган, які не хварэе на рак. Навукоўцы пачынаюць разумець чаму1

Грэцкі агонь, антыкітэрскі механізм, сільфій ды іншыя страчаныя вынаходніцтвы. Чаму чалавецтва іх забыла?1

больш чытаных навін
больш лайканых навін

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Галоўнае
Усе навіны →

Заўвага:

 

 

 

 

Закрыць Паведаміць