Браканьеры застрэлілі лася пад Кобрынам. Іх вылічылі па абломках бампера
Падчас палявых мерапрыемстваў непадалёк ад Кобрына супрацоўнікі інспекцыі аховы расліннага і жывёльнага свету выявілі на ўскрайку поля сляды крыві. У лясным гушчары яны заўважылі рэшткі забітага лася: галаву, шкуру, капыты, вантробы і хрыбетнік.
Агляд месца здарэння даў зачэпку: за пяць метраў ад парэшткаў застаўся след пратэктара шын, а побач ляжаў фрагмент рашоткі бампера, піша Onliner.by.
У суседняй вёсцы інспектары знайшлі аўтамабіль, у якога не хапала дэталі бампера, а малюнак пратэктара супадаў са слядамі на месцы здарэння. Там жа яны сустрэлі двух мужчын у камуфляжным адзенні. На даху пабудоў ляжалі шэсць мяшкоў са свежым ласіным мясам, а ў салоне другога аўтамабіля знаходзілася зарэгістраваная паляўнічая стрэльба. Менавіта з яе і застрэлілі лася.
Устаноўлена, што навакольнаму асяроддзю нанесены ўрон у памеры 300 базавых велічынь — гэта 13 500 рублёў. Усяго канфіскавалі 300 кілаграмаў дзічыны, а таксама дзве зарэгістраваныя стрэльбы з патронамі. Акрамя таго, абодва аўтамабілі арыштавалі і адправілі на штрафную стаянку.
Браканьеры прызналіся ў незаконным паляванні. У дачыненні да іх распачалі крымінальную справу паводле ч. 4 арт. 282 КК (незаконнае паляванне, якое пацягнула прычыненне асабліва буйнога ўрону). Найбліжэйшыя дні яны правядуць у ізалятары часовага ўтрымання.
Цяпер чытаюць
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос10
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1313
Каментары