Бандарэнку далі 2 гады агульнага рэжыму
Пракурор прасіў тры гады.
Сёння суд Першамайскага раёна сталіцы (суддзя Таццяна Рывінская) вынес прысуд грамадскаму актывісту, каардынатару «Еўрапейскай Беларусі» Змітру Бандарэнку, які быў на прэзідэнцкіх выбарах даверанай асобай кандыдата ў прэзідэнты Андрэя Саннікава.
Зміцер Бандарэнка асуджаны на два гады калоніі агульнага рэдыму (арт. 342 КК). Пракурор прасіў пакараць максімальным тэрмінам паводле гэтага артыкула — трыма гадамі пазбаўлення волі.
Ён таксама павінен сплаціць 159 тыс. рублёў (каля 40 даляраў) штрафу за шкоду, нанесеную працы грамадскага транспарту.
Зміцер Бандарэнка выглядаў вельмі спакойна, трымаўся ўпэўнена, сядзеў у клетцы, чытаў «Белорусы и рынок».
* * *
Менавіта за «Плошчу» асуджана ўжо восем чалавек:
за ўдзел у масавых беспарадках Васіль Парфянкоў прыгавораны да чатырох гадоў пазбаўлення волі ў калоніі строгага рэжыму; Аляксандр Атрошчанкаў — да чатырох гадоў у калоніі ўзмоцненага рэжыму; Мікіта Ліхавід — да трох з паловай гадоў пазбаўлення волі, Дзмітрый Новік і Аляксандр Малчанаў — да трох з паловай і трох гадоў у калоніі ўзмоцненага рэжыму адпаведна; грамадзяне РФ Арцём Брэус і Іван Гапонаў — да штрафу ў 300 базавых велічыняў (10,5 млн. рублёў) кожны; Дзмітрый Мядзведзь — да трох гадоў абмежавання волі без накіравання ў папраўчую ўстанову.
За злоснае хуліганства былі таксама асуджаныя Зміцер Дашкевіч і Эдуард Лобаў — на два і чатыры гады пазбаўлення волі адпаведна. Іх затрымалі 18 снежня, за дзень да прэзідэнцкіх выбараў.
* * *
Сёння ідзе суд над Андрэем Саннікавым, якога судзяць разам ў групай чатырох шараговых удзельнікаў акцыі: Іллёй Васілевічам, Алегам Гнедчыкам, Фёдарам Мірзаянавым і Уладзімірам Яроменкам. Гэты працэс праходзіць у судзе Партазанскага раёна сталіцы,
а 11-й гадзіне ў Кастрычніцкім судзе пачынаецца разгляд справы ўпартага актывіста апазіцыі Паўла Вінаградава, юнака з Гродна Алеся Кіркевіча, архівіста Змітра Дразда, Андрэя Пратасені і Уладзіміра Хамічэнкі (агент «Навушнік»).
Усім ім інкрымінуюць арганізацыю і ўдзел у масавых беспарадках, што караецца максімальным тэрмінам да пяці гадоў.
Кандыдатаў у прэзідэнты Уладзіміра Някляева, Віталя Рымашэўскага, актывістаў "Гавары праўду!" Аляксандра Фядуту, Сяргея Вазняка і Андрэя Дзмітрыева, маладафронтаўку Насту Палажанку пачнуць судзіць 5 мая.
-
«Мама, давай напішам заяву ў міліцыю, ён мяне ўжо дастаў». Маці школьніка з Брэста, які скончыў жыццё самагубствам, расказала пра цкаванне сына
-
Міністр Маркаў заявіў, што трэба змагацца з тымі, хто кажа пра ўшчамленне рускай ці беларускай мовы
-
Што ў рэальнасці адбылося пад Смалявічамі? Вось самая лагічная прычына налёту ашалелых расійскіх малалетак
Цяпер чытаюць
«Мама, давай напішам заяву ў міліцыю, ён мяне ўжо дастаў». Маці школьніка з Брэста, які скончыў жыццё самагубствам, расказала пра цкаванне сына8
Каментары