Мінулыя прэзыдэнцкія выбары праходзілі на пачатку восені, 9 верасьня, і на іх увесь дзень ліў халодны дождж. Гэтыя адбудуцца 19 сакавіка — напярэдадні галоўнага нацыянальнага сьвята, Дня Волі.
Мінулыя прэзыдэнцкія выбары праходзілі на пачатку восені, 9 верасьня, і на іх увесь дзень ліў халодны дождж. Гэтыя адбудуцца 19 сакавіка — напярэдадні галоўнага нацыянальнага сьвята, Дня Волі.
Умовы-2001 для перадвыбарнай агітацыі з вышыні цяперашняга досьведу падаюцца ледзь не цяплічнымі.
На выбарах 2001 г. подпісы зьбіралі 23 кандыдаты. Былі, праўда, яшчэ два — бібліятэкарка Ніна Лабанава і пэнсіянэр Уладзімер Лапцэвіч, якім не зарэгістравалі ініцыятыўныя групы, бо першая паўпісвала туды ў выбарачным парадку чытачоў сваёй бібліятэкі, а другі — тэлефонны даведнік. Але набралі патрэбную колькасьць подпісаў тады толькі чатыры чалавекі. Як і сёлета.
Уладзімер Ганчарык, адзіны кандыдат ад апазыцыі, у 2001 годзе зрабіў стаўку на тэму зьніклых палітыкаў. Сёлета галоўны Лукашэнкаў канкурэнт — Аляксандар Мілінкевіч — сьвядома вядзе выключна пазытыўную кампанію, амаль не камэнтуючы дзеяньняў і крокаў А.Лукашэнкі.
Эканоміка Ўсходняй Эўропы, і беларуская разам зь ёю, за пяць гадоў выблыталася з постсавецкага крызісу. Таму рэйтынгі Лукашэнкі-2006 вышэйшыя за ягоныя пазыцыі ў 2001-м. Аднак і апазыцыя зрабіла свае высновы, і А.Мілінкевіч, дзякуючы ранейшаму старту, распачаў агітацыйную кампанію з адносна вышэйшых паказчыкаў.
Што засталося нязьменным, дык гэта ўменьне ўладных паліттэхнолягаў стварыць у масе народу ўпэўненасьць у перамозе А.Лукашэнкі і адначасовая здольнасьць лідэраў апазыцыі пасеяць зерне надзеі ў ральлі незалежнага грамадзтва.
«Суцяшае ўжо тое, што Мілінкевіч і Казулін — нашмат мацнейшыя кандыдаты, чым Ганчарык і Домаш», — напісаў у лісьце ў «НН» наш менскі чытач Алесь Чорны.
| | 2001 год | 2006 год |
| Колькасьць зарэгістраваных ініцыятыўных групаў | 23 | 8 |
| Колькасьць асобаў, зарэгістраваных кандыдатамі ў прэзыдэнты | 4 (Лукашэнка, Домаш, Гайдукевіч, Ганчарык) | 4 (Лукашэнка, Мілінкевіч, Гайдукевіч, Казулін) |
| Калі быў вызначаны адзіны кандыдат ад апазыцыі | За 52 дні да выбараў (21 ліпеня) | За 169 дзён да выбараў (2 кастрычніка) |
| Колькасьць подпісаў, сабраных за Лукашэнку | 395 000 | 1 903 069 |
| Колькасьць подпісаў, сабраных за кандыдата ад дэмакратычных сілаў | 164 000 (Домаш) | 198 000 (Мілінкевіч) |
| Адрас галоўнага альтэрнатыўнага канкурэнта | Дом прафсаюзаў, Абласны савет прафсаюзаў (працоўныя плошчы штабу — каля 4 000 м2) | Офіс ПКБ, Управа БНФ (працоўныя плошчы штабу — каля 270 м2) |
| Аляксандар Мілінкевіч | Кіраўнік кампаніі кандыдата ў прэзыдэнты Сямёна Домаша | Кандыдат у прэзыдэнты |
| Аляксандар Казулін | Рэктар БДУ | Старшыня БСДП (Грамада) |
| Уладзімер Ганчарык | Кандыдат у прэзыдэнты | Пэнсіянэр, сябра штабу А.Казуліна |
| Сямён Домаш | Кандыдат у прэзыдэнты | Дырэктар дзяржаўнага прадпрыемства «Гарадзенская гарбарная фабрыка» |
| Сяргей Калякін | 1-шы сакратар ЦК ПКБ, кандыдат у прэзыдэнты | 1-шы сакратар ЦК ПКБ, кіраўнік штабу А.Мілінкевіча |
| Леанід Калугін | Дырэктар ЗАТ “Атлянт”, кандыдат у прэзыдэнты | Манах |
| Віктар Шэйман | Генпракурор | Кіраўнік штабу А.Лукашэнкі |
| Мечыслаў Грыб | Кіраўнік кампаніі па незалежным назіраньні за выбарамі | Кіраўнік штабу А.Казуліна |
| Мікалай Чаргінец | Кіраўнік штабу А.Лукашэнкі | Старшыня Саюзу пісьменьнікаў Беларусі |
| Наклад газэты “Советская Белоруссия” | У будні – 240 000; у суботы — 311 000 | 502 340 |
| Супольны наклад незалежнай прэсы (без “Комсомольской правды в Беларуси”) | 350 тыс. асобнікаў | 130 тыс. асобнікаў |
| Колькасьць зарэгістраваных NGO | 2 500 | Каля 1 500 |
| Сярэдні заробак па краіне | 100 даляраў | 240 даляраў |
| Рэйтынг адзінага кандыдата ад апазыцыі за два месяцы да выбараў у пары з А.Лукашэнкам (зьвесткі прафэсара Манаева) | 8% | 24% |
| Рэйтынг А.Лукашэнкі ў сярэднім (зьвесткі прафэсара Манаева) | 43% | 52% |
| Перадвыбарчы лёзунг А.Лукашэнкі | За моцную і квітнеючую Беларусь! | За Беларусь! |
| Перадвыбарчы лёзунг галоўнага канкурэнта | Дабро вашаму дому! (У.Ганчарык) | Свабода. Праўда. Справядлівасьць (А.Мілінкевіч) |
Цяпер чытаюць
У Мінску пачалі судзіць трох беларусаў, якім павесілі «тэрарызм» і «здраду дзяржаве». Аднаго з іх затрымалі ў Крыме1
У Мінску пачалі судзіць трох беларусаў, якім павесілі «тэрарызм» і «здраду дзяржаве». Аднаго з іх затрымалі ў Крыме
Небарака з Ляхавічаў знік «на СВА» ўжо на трэці дзень, а ў барацьбе за грабавыя счапіліся сястра, сужыцелька і жонка — з чатырма дзецьмі, але чужымі88
Каментары