Minułyja prezydenckija vybary prachodzili na pačatku vosieni, 9 vieraśnia, i na ich uvieś dzień liŭ chałodny doždž. Hetyja adbuducca 19 sakavika — napiaredadni hałoŭnaha nacyjanalnaha śviata, Dnia Voli.
Minułyja prezydenckija vybary prachodzili na pačatku vosieni, 9 vieraśnia, i na ich uvieś dzień liŭ chałodny doždž. Hetyja adbuducca 19 sakavika — napiaredadni hałoŭnaha nacyjanalnaha śviata, Dnia Voli.
Umovy-2001 dla pieradvybarnaj ahitacyi z vyšyni ciapierašniaha dośviedu padajucca ledź nie ciapličnymi.
Na vybarach 2001 h. podpisy źbirali 23 kandydaty. Byli, praŭda, jašče dva — biblijatekarka Nina Łabanava i pensijaner Uładzimier Łapcevič, jakim nie zarehistravali inicyjatyŭnyja hrupy, bo pieršaja paŭpisvała tudy ŭ vybaračnym paradku čytačoŭ svajoj biblijateki, a druhi — telefonny daviednik. Ale nabrali patrebnuju kolkaść podpisaŭ tady tolki čatyry čałavieki. Jak i sioleta.
Uładzimier Hančaryk, adziny kandydat ad apazycyi, u 2001 hodzie zrabiŭ staŭku na temu źnikłych palitykaŭ. Sioleta hałoŭny Łukašenkaŭ kankurent — Alaksandar Milinkievič — śviadoma viadzie vyklučna pazytyŭnuju kampaniju, amal nie kamentujučy dziejańniaŭ i krokaŭ A.Łukašenki.
Ekanomika Ŭschodniaj Eŭropy, i biełaruskaja razam ź joju, za piać hadoŭ vybłytałasia z postsavieckaha kryzisu. Tamu rejtynhi Łukašenki-2006 vyšejšyja za jahonyja pazycyi ŭ 2001-m. Adnak i apazycyja zrabiła svaje vysnovy, i A.Milinkievič, dziakujučy raniejšamu startu, raspačaŭ ahitacyjnuju kampaniju z adnosna vyšejšych pakazčykaŭ.
Što zastałosia niaźmiennym, dyk heta ŭmieńnie ŭładnych palittechnolahaŭ stvaryć u masie narodu ŭpeŭnienaść u pieramozie A.Łukašenki i adnačasovaja zdolnaść lideraŭ apazycyi pasiejać ziernie nadziei ŭ ralli niezaležnaha hramadztva.
«Suciašaje ŭžo toje, što Milinkievič i Kazulin — našmat macniejšyja kandydaty, čym Hančaryk i Domaš», — napisaŭ u liście ŭ «NN» naš mienski čytač Aleś Čorny.
| | 2001 hod | 2006 hod |
| Kolkaść zarehistravanych inicyjatyŭnych hrupaŭ | 23 | 8 |
| Kolkaść asobaŭ, zarehistravanych kandydatami ŭ prezydenty | 4 (Łukašenka, Domaš, Hajdukievič, Hančaryk) | 4 (Łukašenka, Milinkievič, Hajdukievič, Kazulin) |
| Kali byŭ vyznačany adziny kandydat ad apazycyi | Za 52 dni da vybaraŭ (21 lipienia) | Za 169 dzion da vybaraŭ (2 kastryčnika) |
| Kolkaść podpisaŭ, sabranych za Łukašenku | 395 000 | 1 903 069 |
| Kolkaść podpisaŭ, sabranych za kandydata ad demakratyčnych siłaŭ | 164 000 (Domaš) | 198 000 (Milinkievič) |
| Adras hałoŭnaha alternatyŭnaha kankurenta | Dom prafsajuzaŭ, Abłasny saviet prafsajuzaŭ (pracoŭnyja płoščy štabu — kala 4 000 m2) | Ofis PKB, Uprava BNF (pracoŭnyja płoščy štabu — kala 270 m2) |
| Alaksandar Milinkievič | Kiraŭnik kampanii kandydata ŭ prezydenty Siamiona Domaša | Kandydat u prezydenty |
| Alaksandar Kazulin | Rektar BDU | Staršynia BSDP (Hramada) |
| Uładzimier Hančaryk | Kandydat u prezydenty | Pensijaner, siabra štabu A.Kazulina |
| Siamion Domaš | Kandydat u prezydenty | Dyrektar dziaržaŭnaha pradpryjemstva «Haradzienskaja harbarnaja fabryka» |
| Siarhiej Kalakin | 1-šy sakratar CK PKB, kandydat u prezydenty | 1-šy sakratar CK PKB, kiraŭnik štabu A.Milinkieviča |
| Leanid Kałuhin | Dyrektar ZAT “Atlant”, kandydat u prezydenty | Manach |
| Viktar Šejman | Hienprakuror | Kiraŭnik štabu A.Łukašenki |
| Miečysłaŭ Hryb | Kiraŭnik kampanii pa niezaležnym nazirańni za vybarami | Kiraŭnik štabu A.Kazulina |
| Mikałaj Čarhiniec | Kiraŭnik štabu A.Łukašenki | Staršynia Sajuzu piśmieńnikaŭ Biełarusi |
| Nakład hazety “Sovietskaja Biełoruśsija” | U budni – 240 000; u suboty — 311 000 | 502 340 |
| Supolny nakład niezaležnaj presy (biez “Komsomolskoj pravdy v Biełarusi”) | 350 tys. asobnikaŭ | 130 tys. asobnikaŭ |
| Kolkaść zarehistravanych NGO | 2 500 | Kala 1 500 |
| Siaredni zarobak pa krainie | 100 dalaraŭ | 240 dalaraŭ |
| Rejtynh adzinaha kandydata ad apazycyi za dva miesiacy da vybaraŭ u pary z A.Łukašenkam (źviestki prafesara Manajeva) | 8% | 24% |
| Rejtynh A.Łukašenki ŭ siarednim (źviestki prafesara Manajeva) | 43% | 52% |
| Pieradvybarčy lozunh A.Łukašenki | Za mocnuju i kvitniejučuju Biełaruś! | Za Biełaruś! |
| Pieradvybarčy lozunh hałoŭnaha kankurenta | Dabro vašamu domu! (U.Hančaryk) | Svaboda. Praŭda. Spraviadlivaść (A.Milinkievič) |
Kamientary