6723. Столькі беларусаў прагаласавалі на выбарах у Каардынацыйную раду
У 23.00 27 мая скончылася трохдзённае галасаванне ў Каардынацыйную раду 3-га склікання. Усяго прагаласаваць наважыліся 6723 беларусы.
28.05.2024 / 00:00
Па днях аддадзеныя галасы размеркаваліся так:
- субота, 25 мая — 2463
- нядзеля, 26 мая — 2177
- панядзелак, 27 мая — 2083.
Выбары праводзіліся ў цяжкіх умовах, калі кандыдаты і выбаршчыкі падвяргаюцца пераследу з боку рэжыму Лукашэнкі, які прызнае і Каардынацыйную раду, і выбарныя спісы «экстрэмісцкімі фарміраваннямі», за спрыянне дзейнасці якім можа пагражаць рэальны турэмны тэрмін.
Каб перашкодзіць правядзенню выбараў, ад самага іх пачатку на сайт для галасавання была арганізавана маштабная DDoS-атака. Таксама першы дзень выбараў адзначыўся перабоямі з інтэрнэтам у Беларусі і блакаваннем VPN, без якога галасаванне можа быць небяспечным для тых, хто застаецца ўнутры краіны.
Дарагая Каардынацыйная рада да абеду, або Што гэтыя выбары паказалі нават тупому
«Нават бабарыканцы, якія як бы архітэктары выбараў у КР, хочуць рухаць Ціханоўскую ў нейкі бок»
Шрайбман: Выбары ў КР — танная трэніроўка для актыва. Але беларусам унутры Беларусі яны не трэба