Bolš za paŭmiljona biełarusaŭ znachodziacca ŭ Jeŭrasajuzie — Čały
Ekanamist Siarhiej Čały prakamientavaŭ danyja ab vydačy biełarusam dazvołaŭ na žycharstva.
20.09.2024 / 21:56
Ilustracyjnaje fota: internationalinvestment.biz
U čarhovym vypusku prahramy «Čały: Ekanomika» jaje aŭtar źviarnuŭ uvahu na apublikavanyja raniej danyja ab tym, što za 2023 hod bolš za 280 tysiač biełarusaŭ atrymali pieršy dazvoł na žycharstva ŭ ES.
«Što cikava, pryblizna pałovu składajuć DNŽ pa pracy i 42,5% pa inšych pryčynach. Čytaj, heta palityka. (… ) I heta tolki 23-ci hod.
Ja dumaju, što ŭpeŭniena možna havaryć, što bolš za pałovu miljona biełarusaŭ znachodzicca za miažoju», — padkreślivaje ekanamist.
Siarhiej Čały. Skryn videa: Belarus_Files / YouTube
Pa słovach Čałaha, takaja situacyja — «u čystym vyhladzie humanitarnaja katastrofa». Jon źviartaje ŭvahu, što 500-600 tysiač čałaviek składajuć 6-7% ad ahulnaj kolkaści nasielnictva.
Čały zhadvaje, što prykładna hod tamu była acenka Karpiankova, jaki ŭ adnym z svaich vystupleńniaŭ u vajskovaj čaści 3214 raskazvaŭ pra toje, što z 2020 hoda ź Biełarusi vyjechała 350 tysiač. Kali da hetaj ličby dadać danyja za 23-ci hod, to atrymajecca bolš za 600 tysiač.
Ekanamist zaŭvažaje, što nie ŭpeŭnieny ŭ tym, što historyja z vyjezdam biełarusaŭ skončyłasia.
Čały tłumačyć, čamu ŭ Biełarusi rastuć dachody i ludzi pabiehli pa kredyty
Čały: Čym daŭžej Łukašenka marudzić z vybarami, tym bolš arhumientaŭ, kab jamu nie iści
Čały: Asabliva tryvožna za Natallu Kačanavu