Hramadstva77

Čały: Asabliva tryvožna za Natallu Kačanavu

Ekanamist analizuje słovy Łukašenki na niadaŭniaj naradzie.

Sierhiejenka i Kačanava na Usiebiełaruskim narodnym schodzie 24 krasavika 2024 hoda. Skrynšot ź videa dziaržTB

Analityk Siarhiej Čały ŭ svaim viečarovym šou «Noč z Čałym» zaŭvažaje, što Łukašenka daŭ rekordna rańni start vybarčaj kampanii.

Jon źviartaje ŭvahu na jaho słovy na naradzie z Saŭminam 14 červienia. Tady Łukašenka kazaŭ čynoŭnikam, što budzie razmaŭlać ź ludźmi biez pasiarednikaŭ:

«Bolš ja vas uhavorvać i prasić nie budu. Krok naleva, krok naprava — da ścienki pastavim. Publična vam zajaŭlaju.

Jak pytańni niejkija vyrašyć — nu prosta biada: sam vyznačaješ pytańni, sam staviš zadańni i sam jedzieš praviaraješ i potym robiš zamiest vas. Apošniaja razmova z vami. Jakaja b elektaralnaja kampanija ni była.

Ja vam užo niejak kazaŭ časam. Ja tut asabliva nie parusia z nahody taho, padtrymajcie vy mianie ci nie. Ja damoŭlusia ź biełaruskim narodam.

Ja znajdu ź im ahulnuju movu. Ja try dziasiatki hadoŭ znachodžu ź im ahulnuju movu».

Paśla hetaha Łukašenka pryniaŭ z dakładam staršyniu praŭładnych prafsajuzaŭ Juryja Siańko.

«Mnie vielmi cikava, jak Łukašenka budzie znachodzić ahulnuju movu z tym samym narodam, jaki jaho ŭ 2020 hodzie pasłaŭ i ad jakoha jon tak doŭha i paśladoŭna admiažoŭvaŭsia ŭ apošnija hady», — pakpiŭ Čały.

«Ale asabliva tryvožna mnie paśla hetaj frazy «ja vas usich rasstralaju i budu razmaŭlać z narodam biez pasiarednikaŭ» nie za karupcyjanieraŭ, a za Natallu Ivanaŭnu Kačanavu, jakaja apošnim časam jakraz i vykonvała funkcyju hetaha samaha čeravaviaščalnika prezidenckaha naroda».

Łozunhi Łukašenki pra baraćbu z karupcyjaj Čały nazyvaje papulizmam, bo ich palityk paŭtaraje ŭžo 30 hadoŭ.

Dla razumieńnia ekanamičnaha raźvićcia krainy vielmi pakazalnyja hrafiki ekanamista Dźmitryja Kruka — jany fiksujuć adstavańnie dabrabytu Biełarusi ad krain-susiedziaŭ. I voś što my majem u paraŭnańni ź Litvoj.

VUP na dušu nasielnictva pa paryciecie pakupnickaj zdolnaści ŭ Biełarusi z 1995 pa 2007 hod vahajecca vakoł 60-65% ad Litvy.

«Adstavańnie nie skaračajecca, niahledziačy na toje, što heta byli samyja tłustyja hady hetaha naftavaha afšoru, — tłumačyć Čały. — Zatym nastupaje suśvietny finansavy kryzis 2008 hoda, Biełaruś imkliva nabližajecca pa ŭzroŭni dabrabytu da Litvy, i hety trend skančajecca 2011 hodam».

Z tych časoŭ hrafik idzie ŭniz. I ciapier dabrabyt Biełarusi macniej adstaje ad Litvy, čym heta było ŭ pačatku kiravańnia Łukašenki.

Ale papulistaŭ takoje nie zasmučaje, kaža Čały. Jany zaŭsiody mohuć skazać: navat kali my čahości nie dasiahnuli, to pahladzicie, kolki my ŭsiaho praduchilili.

Kamientary7

  • Kastuś
    24.06.2024
    Čałyj tak biespokoiťsia za kočanovo, čto priamo kušať nie možiet
  • Symon
    24.06.2024
    Natachie na lod z šajbaj lepš bolej nie vychodzić. Šajba baška raptoŭna papadzie - zusim kiepskaja budzie. Da i šut ź joju.
  • daviedka
    24.06.2024
    Natalje Kočanovoj pośle vozvraŝienija iz Kitaja na vsiakij słučaj užie zamienili tiełochranitiela na boleje staroho.
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Novym kancleram Niamieččyny stanie Frydrych Mierc13

Novym kancleram Niamieččyny stanie Frydrych Mierc

Usie naviny →
Usie naviny

Hetuju novuju biełaruskuju knihu nie nazavieš narmalnaj7

Polšča ŭpieršyniu rezka adreahavała na infarmacyju z ZŠA. Havorka pra «Starlinki» dla Ukrainy9

Zialenski pakul nie hatovy padpisać pahadnieńnie z ZŠA ab karysnych vykapniach3

Čystki ŭ armii ZŠA: Tramp zvolniŭ kiraŭnika Abjadnanaha kamiteta načalnikaŭ štaboŭ7

«Čatyry miesiacy nie mahła zapluščyć voka». Ryta Dakota pakazała žudasny pabočny efiekt kaśmietyčnaj apieracyi11

U Smalavickim rajonie pradajuć asabniak-kompleks amal za čatyry miljony dalaraŭ1

Ziać Viktara Orbana moža kupić Raiffeisenbank u Rasii4

Bolš nijakich ružovych kaściumaŭ. Styl Natalli Piatkievič źmianiŭsia kardynalna22

Technika złamałasia na nastupny dzień paśla harantyi. Ci možna viarnuć hrošy?

bolš čytanych navin
bolš łajkanych navin

Novym kancleram Niamieččyny stanie Frydrych Mierc13

Novym kancleram Niamieččyny stanie Frydrych Mierc

Hałoŭnaje
Usie naviny →

Zaŭvaha:

 

 

 

 

Zakryć Paviedamić