Ličby, ad jakich strašna. Bolš za 280 tysiač biełarusaŭ atrymali dazvoły na žyćcio ŭ ES u 2023. Bolš tolki va ŭkraincaŭ
Bolšaść biełarusaŭ, jakija ŭciakli z dyktatury, lehalizavalisia ŭ Polščy.
Hramadzianie Biełarusi ŭ 2023 hodzie atrymali 281 279 pieršych dazvołaŭ na žyćcio ŭ krainach Jeŭrasajuza. U hetaj statystycy dazvołam na žyćcio ličycca nie tolki ŭłasna DNŽ, ale i doŭhaterminovyja vizy, jakija dazvalajuć znachodzicca ŭ krainie 3 miesiacy i bolš.
Pa hetym pakazčyku, jak vynikaje sa źviestak Jeŭrastata, biełarusy sastupajuć tolki ŭkraincam — im vydali 307 313 pieršych DNŽ. U top — 10 taksama hramadzianie Indyi, Maroka, Siryi, Turcyi, Rasii, Kitaja, Brazilii i Afhanistana.
Absalutnaja bolšaść biełarusaŭ — 255 595 čałaviek (90,9%) — atrymali pieršy DNŽ u Polščy. U Litvie lehalizavalisia 16 174 biełarusy, u Hiermanii — 1924. U astatnich krainach ES pieršy DNŽ u minułym hodzie atrymali 7586 biełarusaŭ.
U Polščy biełarusy naohuł atrymali bolš za ŭsich pieršych DNŽ, na druhim miescy iduć ukraincy (240 643). U Litvie ŭ lidarach taksama hramadzianie Biełarusi — u hetaj krainie jany apiaredžvajuć uźbiekistancaŭ (7580).
Krychu bolš za pałovu hramadzian Biełarusi (52,3%) atrymali pieršy DNŽ pa pracy. 42,5% biełarusaŭ lehalizavalisia pa inšych pryčynach — da hetaj katehoryi adnosiacca ŭ tym liku mižnarodnaja abarona i humanitarnyja DNŽ. Pa kolkaści dazvołaŭ na žycharstva pa inšych pryčynach biełarusy (119 531) u minułym hodzie sastupili tolki siryjcam (130 443). Pa 2,6% biełarusaŭ atrymali DNŽ na padstavie vučoby abo pa ŭźjadnańni ź siamjoj.
U Polščy biełarusy atrymali 130 057 pieršych DNŽ na padstavie pracy i 117 045 — pa inšych pryčynach. Pry hetym u Litvie DNŽ pa inšych pryčynach atrymali tolki 758 hramadzian Biełarusi.
U 2022 hodzie pieršy VNŽ atrymali 300 tysiač biełarusaŭ, u 2021-m ich było bolš za 149 tysiač, a 2020-m — 63 tysiačy.
-
«Pahladzicie, što narabili mužčyny». Maryna Mientusava — pra žančyn, što vyratujuć śviet, pracu ŭ Rasii, asabistaje žyćcio i «Obyčnoje utro»
-
Ministr zajaviŭ, što biełaruskaja kultura ačyściłasia ad «destruktyŭnych elemientaŭ»
-
Syn nieprymirymaha voraha Kadafi prybyŭ u Biełaruś, kab zaklučyć pahadnieńnie
«Pahladzicie, što narabili mužčyny». Maryna Mientusava — pra žančyn, što vyratujuć śviet, pracu ŭ Rasii, asabistaje žyćcio i «Obyčnoje utro»37
«Pahladzicie, što narabili mužčyny». Maryna Mientusava — pra žančyn, što vyratujuć śviet, pracu ŭ Rasii, asabistaje žyćcio i «Obyčnoje utro»
«Toje, što chtości siadzić za palityku, źjaŭlajecca častkaj piejzažu». Biełaruska, jakaja naviedała radzimu paśla doŭhaha pierapynku, padzialiłasia ŭražańniami1010
Kamientary