Čały tłumačyć, čamu ŭ Biełarusi rastuć dachody i ludzi pabiehli pa kredyty
Realnyja zarobki ŭ Biełarusi rastuć, spažyvieckija kredyty taksama staviać rekordy. Čym heta tłumačycca?
U novym vypusku prahramy «Čały: ekanomika» analityk Siarhiej Čały źviarnuŭ uvahu na paskareńnie rostu dachodaŭ biełarusaŭ.
U červieni 2024 hoda realnaja zarabotnaja płata pavialičyłasia na 11,2% u paraŭnańni z anałahičnym pieryjadam minułaha hoda, a ŭ lipieni — na 15,4%. Heta samy vysoki temp rostu z kastryčnika minułaha hoda.
Pa hetym pakazčyku Biełaruś apiaredžvaje Rasiju. Pavodle danych Jeŭrazijskaj ekanamičnaj kamisii, za studzień—červień 2024 hoda siaredniemiesiačnaja naminalnaja zarpłata ŭ Biełarusi vyrasła na 13%, u toj čas jak u Rasii — na 9,4%. Takim čynam, tempy rostu ŭ Biełarusi ŭ 1,5 raza vyšejšyja, čym u Rasii, dzie situacyja na rynku pracy jašče bolš napružanaja.
Siarhiej Čały adznačaje, što častkova taki chutki rost dachodaŭ tłumačycca składanaj situacyjaj na rynku pracy, ale heta nie adziny faktar. Pavyšeńnie dachodaŭ nasielnictva taksama źviazana z palitykaj uradu pierad nastupnymi prezidenckimi vybarami.
Raście ŭzrovień spažyvieckaha kredytavańnia. Nasielnictva aktyŭna karystajecca kredytami dla pakryćcia spažyvieckich patreb, u toj čas jak žyllovaje kredytavańnie nie pakazvaje takich vysokich tempaŭ rostu.
Pa statystycy, abaviazacielstvy fizičnych asobaŭ u paraŭnańni sa stanam na 1 žniŭnia minułaha hoda pavialičylisia na 26,1%. Zapazyčanaść pa spažyvieckich kredytach dasiahnuła histaryčnaha maksimumu — za 12 miesiacaŭ jana vyrasła na 42,4%.
«Heta śviedčyć pra pavyšeńnie ŭpeŭnienaści ŭ zaŭtrašnim dni», — adznačaje Čały. Adnak na dynamiku ŭpłyvajuć taksama psichałahičnyja faktary: biełarusy imknucca skarystacca spryjalnymi ŭmovami ciapier.
«Biełarusy — racyjanalnyja ludzi, i jany razumiejuć, što toje, što dajuć siońnia, chutčej za ŭsio, potym zabiaruć inšym sposabam», — zaŭvažaje ekśpiert.
Čały ličyć, što ŭ budučyni dachody najchutčej pierastanuć raści praź inflacyju.
Ciapier čytajuć
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1616
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata16
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1313
Kamientary